三子亦非常感謝fans一直的陪伴與支持！
出道三年環球旗下男團P1X3L幾經波折終於有機會圓夢，5月31日在九展舉行首個處男騷，成員吳啟洋（Phoebus）、歐鎮灝（George）和葉振弘（Marco）心情興奮又激動，在開騷之際不斷練習排舞，只為給fans呈現最好的舞台。
點擊看圖輯
出道三年如願開演唱會
P1X3L形容心情如坐過山車
George透露心情激動好似完咗多年的夢想
Phoebus談及去年的演唱會被取消
Marco亦認為可能依家先係一個好嘅timing，能夠準備得更加好。
希望今次演唱會可以更加多Focus喺P1X3L上邊
Marco表示會有更加多的組合歌曲
唔知會唔會有騷肌環節
三子表示九展承載了三人太多回憶
出道三年如願開演唱會
在開騷問題上與唱片公司多番周旋，終於如願在九展開show，P1X3L形容心情如坐過山車。George透露心情激動好似完咗多年的夢想，而Phoebus談及去年的演唱會被取消：「當時剛知道取消，很容易將情緒爆發出來，當時有種掙扎又無助的感覺，所以之後知有得開騷，一日未賣飛就一直都未敢確認，唔想令粉絲失望。」Marco亦認為可能依家先係一個好嘅timing，能夠準備得更加好。
P1X3L形容心情如坐過山車
George透露心情激動好似完咗多年的夢想
Phoebus談及去年的演唱會被取消
Marco亦認為可能依家先係一個好嘅timing，能夠準備得更加好。
今次《P1X3L !OMG LIVE 2024》演唱會 當中OMG的意思是「M」指Marco，「G」係George，而至於Phoebus應該是P，因為演唱會海報上的「P」是由！(感嘆號)與O組成，感嘆號代表P1X3L三子終於迎來處男騷，相當感歎。而OMG亦是七師傅七仙羽「加持」賜名給P1X3L的稱呼，希望可以帶來好運。Phoebus也表示今次的演唱會希望可以更加多Focus喺P1X3L上邊，「給fans呈現多方面的『P1X3L』」。
希望今次演唱會可以更加多Focus喺P1X3L上邊
現時演唱會籌備進度，Marco表示會有更加多的組合歌曲，但不一定會三個一齊出場可能兩個兩個咁，George透露應該會有30首歌，亦表示一定會籌備好多想表演嘅歌。對於第一次開騷，就挑戰四面台，Marco表示是因為希望可以多啲同fans有互動。關於觀眾最期待的「除衫」環節，Marco開玩笑表示：「可能就係show下前臂。」George亦透露「其實大家都有一定程度keepfit，但我哋今次嘅重心未必是肌肉，更加多係我哋自己嘅內容。」而Phoebus賣關子表示：「睇下同服裝點樣夾啦！可能會有啲透視呢。」
Marco表示會有更加多的組合歌曲
唔知會唔會有騷肌環節
作為可能是九展最後一個演出，三子都感到相當榮幸，因為在九展裝載了他們由《造星3》以來很多的回憶，感覺「有始有終」。Phoebus亦表示：「就算已經出了道，我哋好多高高低低都喺e-max度過。」
三子表示九展承載了三人太多回憶
三子亦非常感謝fans一直的陪伴與支持，Marco表示：「多謝你哋過嚟見證我哋嘅成長，多謝你哋同我哋分享我哋努力嘅成果。」George多謝fans多年的等待：「同埋一直在我哋背後幫我哋宣傳，甚至用自己嘅私人時間，令更加多人認識到『P1X3L』。」Phoebus承諾今次show一定不會令大家失望。
場地：iza'bis by city'super
