福祿壽訓練學院丨趙頌宜獲江欣燕親授扮梅艷芳絕招 關嘉敏唱《淑女》撞樣梅愛芳

趙頌宜夥拍彭建豪陶大衛搞笑版《將冰山劈開》捐褲襠動作笑爆全場！

由阮兆祥、李思捷、王祖藍主持的扮嘢真人Show《象牙世家古象牙工藝品呈獻：福祿壽訓練學院》，明晚（2日）八點半翡翠台播出第八集。

胡楓與陳欣健等30人與思捷隊大合唱《海闊天空》。

呢個搞笑版《將冰山劈開》娛樂性豐富。

呢場對決，Maggie開始前打定輸數。

本集Professor Fuk（阮兆祥）、Professor Luk（王祖藍）及Professor Sau（李思捷）三隊繼續接受第三輪訓練主題 -「生死對決」。本集內容是第二回合「１對１扮嘢對決」的下半場，及第三回合的「自由題對決」，第二回合的專業評審繼續是伍仲衡，而第三回合的專業評審則為詹瑞文。本集內容絕對可以峰迴路轉形容，皆因第三回合三隊所得的分數將會Double x2，大大增加了比賽的刺激感。值得留意的是，原本一直領先的祖藍隊，去到第三回合竟要面對兩大意想不到的危機，令整個比賽更添變數。

關嘉敏Carry得個造型好靚。

雖然隻舞唔易跳，但思捷話關嘉敏都堅持唱Live，專業！

伍仲衡話佢撞樣梅愛芳。

第二回合最後一組對決隊伍為Team Sau與Team Fuk，李思捷以「梅艷芳」為題向祥師兄隊下戰書，兩隊出戰學員分別為關嘉敏及趙頌宜（Maggie）。選唱《淑女》的關嘉敏以淑女經典「大頭紗」貼身裝束上陣Live跳唱，大晒迷人線條及長腿。談到扮演梅姐難度，關嘉敏笑言：「梅姐無論台風同眼神都要由心而發，由內去到外。」 對於關嘉敏演出，伍仲衡給予的評語竟然是：「似梅愛芳多啲。」至於出名是「一碌木」的Maggie，對於要vs關嘉敏扮演梅艷芳坦言難度很高，出名痛錫學員的祥師兄，遂找來以扮梅艷芳馳名的好友江欣燕助陣，向Maggie親授扮演梅姐絕招，江欣燕其中個貼士為：「把聲要有Chok落去嗰吓。」

祥師兄搵嚟好友江欣燕向Maggie教路。

祥師兄搵嚟好友江欣燕向Maggie教路。

眼神有！

經典動作有！

隊形有！

Maggie與助演的彭建豪及陶大衛勁合拍地「互捐褲襠」。

笑爆全場！

LOL

祥師兄好明顯好滿意學員們嘅表現。

伍仲衡都話搞笑。

兩位助演彭建豪（左）同陶大衛功不可沒。

Maggie Bollywood式造型加熱舞勁搶
經過「扮梅姐專業戶」江欣燕調教後，自稱由「一碌木」蛻變成「識郁嘅木」的Maggie，不但賣力地上演Live  Bollywood式熱舞，眼神更比平時更加有火和堅定，絕對可以脫胎換骨形容。為了增加娛樂性，Maggie與助演的彭建豪及陶大衛勁合拍地「互捐褲襠」，成功炒熱全場氣氛，祥師兄看畢表演後激動至站立大力鼓掌，場面感人。伍仲衡看畢亦開心謂：「個表演都幾搞笑，睇得幾開心嘅，尤其你捐落個褲襠嗰度哩，我想像吓如果梅姐會係點架呢？」

郭浩皇（左）同馮彥中認真排練。

黃潤成（後排）雖然只係助演，仲要已經被淘汰咗，但佢表演得好用心。

思捷碌爆人情咭請咗好多好朋友一齊唱。

上排左起：麥長青、陳松伶、布偉傑、金剛，（下排左起）曹永廉、黃智賢、胡楓、喬寶寶。

至於第三回合的「自由題對決」部分，三隊將會大晒冷，當中以李思捷「最揼本」，繼於第三集福祿壽頒獎典禮與三位導師合作後，被譽為極神似黃家駒的學員馮彥中，今次夥拍隊員郭浩皇、林妍獻唱經典金曲《海闊天空》，再次向Beyond致敬，而為了令表演更有意義及更具觀賞性，思捷除找來已被淘汰的黃潤成協助扮演葉世榮負責打鼓外，還碌爆人情卡找來胡楓、陳欣健、陳松伶、麥長青、黃智賢、曹永廉、金剛、喬寶寶、布偉傑等共30名演藝人加素人拍片大合唱，氣氛更感染全場觀眾。至於祥師兄及祖藍則分別派出黃建東＋林樂熙，及劉倬昕＋湯卓堅＋麥嘉欣＋助演陳柏曦作出兩個風格各異的表演，前者扮演《左麟右李》，後者則是由湯卓堅聲演黃凱芹演出以「紙匙羮」為主題的趣劇，萬勿錯過。

祖藍隊第三回合演出陣容，左起：助演陳柏曦，演出學員湯卓堅、劉倬昕、麥嘉欣

祥師兄隊第三回合演出陣容：（左）林樂熙、黃建東

因無綫節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，今晚（3月30日）播出的第八集嘉賓是無綫昔日當紅小生、有「師奶殺手」之稱的陶大宇。

齋睇相都感受到氣氛有幾咁歡愉。

齋睇相都感受到氣氛有幾咁歡愉。

已有十五年沒有參演無綫劇集的大宇，近年依然是網絡人氣指標，除了經典「掩額頭」動作及「車匙（Jessie）」另類發音廣傳至今、大宇的「獨特歌喉」亦隨著《倒轉地球》遭熱議至今。大宇將在今集節目中逐一拆解創下的「網絡經典」，其中「掩額頭」動作的起源，是因為當年在劇集《心花放》的角色平平無奇，大宇於是自創小動作突出角色：「呢個我係刻意擺上去，等於賭神一偷雞就摸戒指一樣，又或者發哥以前嘅『係咁先』。因為劇入面個角色冇嘢做架，做啲嘢好濕碎，冇乜戲好演、冇性格，我就心諗不如加啲小動作，將我嘅喜怒哀樂都擺喺呢個動作度。」大宇說畢，還即場示範了「掩額頭」各種「情緒演繹」，當中包括「短速版」及「延長版」，相當爆笑。大宇又謂最難忘是，有一名有心網民，竟將他在劇集中第一集至三十集的掩頭面動作全數逐一cap下，令他嘆為觀止。

三位主持將大談第一次拍劇做主角嘅悲與喜。

三位主持將大談第一次拍劇做主角嘅悲與喜。

大宇的演戲設計靈感來自發哥原來亦有原因，第十期藝訓班畢業的大宇，笑言當年上堂的教材，不是周潤發就是鄭裕玲：「嗰時啲教材全部係發哥嘟姐架，《上海灘》、《網中人》咁，所以嗰時洗晒腦架，個個同學都以為自己係鄭裕玲同周潤發。」他又謂當時很羨慕比自己早出道、而又已經備受力捧的「無綫五虎」，就連「登台最賺錢」的覺悟，也是源自五虎：「其實哩唱歌係為咗搵食架啫。嗰時好興登台，見到五虎登完台就換車好羨慕咯。所以做藝人個袋入面一定要袋住幾首歌，將來有機會時就有得用。」

三位主持將大談第一次拍劇做主角嘅悲與喜。

江欣燕出Show被嘲發姣委屈落淚 張學友一句「姑娘仔，唔好喊啦」勁Sweet
談到大宇歌喉備受爭議，梅小惠幫口謂：「佢每場show都好認真去唱架，佢係小事大做，大事更加落力嘅人。」大宇聞言和應謂：「其實我係賣力嘅，第一我收緊錢啦，我做事要對得住自己，就算下面點笑我、點挖苦我，甚至乎鍾意我都好，我都係要咁做架啦，你收得人錢又要hea住做，呢個唔係我咯。」談到唱歌，欣欣分享了一段因被噓匿入後台痛哭的往事，並透露當時全靠張學友安慰：「嗰時新秀出嚟做show，我因為隱形眼鏡乾係咁眨眼，人哋以為我姣婆呀！我就谷住泡淚入後台，好彩撞到學友，佢話：『姑娘仔，唔好喊啦，唔噓唔大架』。」

至於第三個熱話傳說「車匙」，大宇除將親口拆解是「故意」還是「意外」，還會大談與女主角郭可盈的深厚緣份，以及拍攝《刑事偵緝檔案》的辛酸史。率性的大宇，還會大方分享母親「零壓力」的教育方法，如何令他能夠在娛樂圈中捱出頭來。至於每集都會「想當年」的三位主持，則會開心share首度擔正大旗做劇集主角的喜與悲，萬勿錯過。

「掩額頭」meme原圖