支嚳儀：「我媽咪會提醒我當冇咗價值時，就將原有嘅能量去番自己事業。」
歌手支譽儀（Venus）日前接受新城廣播節目《原來生活好快樂》主持程凱欣、麥卓華訪問，參加《中年好聲音》入行的Venus，入行前是一名創業家，在港開設烘焙店，並於馬來西亞和菲律賓設有分店，她表示：「零失手整蛋糕係我哋服務宗旨，希望今年可以喺加拿大開分店。」
歌手支譽儀（Venus）日前接受新城廣播節目《原來生活好快樂》訪問。
Venus在好友王灝兒（JW）鼓勵下參加《中年好聲音》，她透露：「有次同佢食飯，我話《聲夢傳奇》真係傳奇，佢突然攞個手機畀我睇，裡面有張《中年好聲音》海報，我話會唔會係嗰啲師奶大變身搞笑節目？佢叫我自己報名，我就由零開始，一步一步入咗去。」
問她參加比賽最大得着是甚麼？Venus表示：「喺參賽呢8個月入面，我搵到屬於自己把聲，以前唔知點發聲，但韋綺珊老師教我之後，咩類型歌我都試過。」Venus指新歌《Gotta Try》是其座右銘，「作為媽媽同事業型女性，自己嘅人生要自己主導。」
左起：程凱欣、支嚳儀、麥卓華
至於家人如何支持自己？Venus甜絲絲說：「我老公好低調，成日唔想上鏡，但佢私下畀好多意見我，例如呢首歌唱直播要點樣唱，作為聽眾，佢會覺得你咁唱會喘氣；我媽咪見到有啲報道會話為你驕傲，佢覺得呢個圈好浮沉，會提醒我當冇咗價值時，就將原有嘅能量去番自己事業。」
支嚳儀獲媽咪鼓勵入行圓歌手夢。
支嚳儀除了是歌手的身份外，同時亦是自助烘焙店老闆，其開設的烘焙學校更在馬來西亞及菲律賓都有分店，今年更會在加拿大開分店。
詳細節目內容，請留意6月6日，早上9-10時，新城知訊台《原來生活好快樂》「自主人生」環節，網址：https://www.metroradio.com.hk/MetroInfo/
