香港電影美術學會獨立自資出版的《無中生有- 香港電影美術及服裝造型展全紀錄》正式發行。
由香港電影美術學會獨立自資出版的《無中生有- 香港電影美術及服裝造型展全紀錄》9月4日正式發行，劉天蘭擔任總編輯，又一山人負責書籍及平面設計，同日出席發佈會的嘉賓包括梁雍婷、盧鎮業、岑寧兒、柯煒林、張同祖、陳詠謙及多位美指文念中、雷楚雄、莫少宗和張蚊等。劉天蘭表示選擇今日的日子是因為剛好是去年學會主辦的《無中生有展》完成剛好一周年，好值得記念，這本《全紀錄》真的記載了展覽從籌備到完成的一切，亦記下多年經典電影服裝造型和美術製作幕後人員的心血。這本書還有獨家曝光的三年半策展過程及幕後珍貴鏡頭，而且是限量發行，希望大家多多支持。金像獎美指文念中回想策展過程中訪問了60 位香港電影美術及服裝造型「築夢人」，現在書中展示他們的個人金句非常好看。
點擊看圖輯
（左起）柯煒林、梁雍婷、文念中、劉天蘭、岑寧兒 、盧鎮業
柯煒林印象最深刻是《千機變》的場景和《滿城盡帶黃金甲》的服裝造型。
梁雍婷是一個需要服裝造型及美術幫忙入戲的人，可以令她更投入角色。
香港電影美術學會出版專書，紀錄美術製作人員心血結晶。
（左起）柯煒林、梁雍婷、文念中、劉天蘭、岑寧兒 、盧鎮業
柯煒林印象最深刻是《千機變》的場景和《滿城盡帶黃金甲》的服裝造型。
梁雍婷是一個需要服裝造型及美術幫忙入戲的人，可以令她更投入角色。
演員梁雍婷（Rachel）和柯煒林（Will）表示這本書記錄了整個電影圈很多美術同造型歷史，他們印象最深刻是《千機變》的場景和「滿城盡帶黃金甲」的服裝造型。Rachel 表示她是一個需要服裝造型及美術幫忙入戲的人，可以令她更投入角色。阿Will很喜歡書內前輩們寫的心路歷程。
盧鎮業
岑寧兒
盧鎮業同女友廖子妤到展覽最後一天才趕到去現場參觀，入面展現了很多電影場景例如《縱橫四海》，對自己來說很震撼，因為小時候看的電影竟然重現面前，還有邵氏服裝間原來有四萬幾套電影服裝，因此覺得書中內容真的是攻讀美術、設計或者電影的人必讀之選。
香港電影美術學會出版專書，紀錄美術製作人員心血結晶。
Fish表示：「好多謝呢套咁好心地嘅電影，將我喺中年危機，撈返番嚟！」
寰亞電影《得寵先生》昨日（11月28號）上映，前一晚在MCL新都城戲院舉行首映，全院滿座，反應熱烈。適逢男主角鄭丹瑞（旦哥）69歲生辰，除了電影導演兼編劇何英毅和李志偉、女主角盧慧敏（Amy）、廖子妤（Fish）、馮允謙（Jay）和黃美芬等一齊睇戲，還有近百位圈中好友入場支持，非常熱鬧。完場後觀眾席上好友林珊珊、林超賢導演、陳慶嘉導演、陳德森導演、謝安琪、邱士縉@MIRROR和周秀娜等星級觀眾發言，令人感動。Fish更自爆一度覺得自己步入中年危機，對事途迷惘，但這部電影令她振作，對世界再抱希望。
《得寵先生》日前舉行首映，全院滿座！
電影完場，觀眾報以掌聲，Amy、Jay和Fish突然拉住旦哥上台玩驚喜，手忙腳亂地替他戴皇冠、彩帶和送鮮花，主持旨呈哼歌助慶。旦哥突然「佳叔」上身鬧人：「搞乜呀？咪整亂我個頭呀！」全場爆笑，觀眾大叫「好靚仔」！而旦哥另一部電影飾演女兒的鄧月平，亦準備了生日蛋糕送上台，旦哥好開心。
眾演員在映後分享感受。
Amy、Jay和Fish拉住旦哥玩驚喜。
旦哥另一部電影的「女兒」鄧月平亦準備了生日蛋糕。
旦哥好開心！
Fish感嘆：「我依家嘅人生好似有好多好混亂嘅嘢，我要重新去接受，我又要照顧爸爸媽媽，爸爸媽媽開始老啦，我嘅事業去到一個位，我應該點做？頭先睇完套戲，諗：『如果我去到70歲，我嘅人生係咁失敗，我會點呢？』但係只要唔放棄，人生幾多歲都可以重啟。我一路睇戲一路覺得，其實我啲問題好細，只係需要去學習。尤其是悅娜（Amy飾演）角色，點解有人咁好心地？但係真係有眾多咁好心地嘅人，支持緊呢個世界，而呢個世界唔係我想像中咁差，好多謝呢套咁好心地嘅電影，將我喺中年危機，撈返番嚟！」
Fish指這部電影令她振作，對世界再抱希望。
旦哥說：「今日我69歲生日，真係緣份，竟然有一部自己嘅戲上映。香港拍電影唔容易，拍完呢部戲佢哋都唔知幾時再有得撈，今日我生日，邀請到一班真心好朋友嚟同我一齊，睇一部有火嘅電影。」觀眾席上林超賢導演大叫：「成套戲對你（旦哥）挑戰好大啦！」旦哥哈哈大笑說：「識貨！」
旦哥
林珊珊抹眼淚，對旦哥說：「真係做得好好，好為你驕傲，旦！當然Jay Fung都做得好，個個演員都做得好好。多啲呢啲戲，我哋就感受多啲溫暖、多啲希望！」而旦哥的「永遠女神」周秀娜亦感動落淚，她說：「旦哥係一個好幽默嘅人，好少會見到佢呢一面，我無諗過我會喊，好感動，旦哥真係演得好好，我好鍾意！」
林珊珊
林珊珊睇到落淚。
兩年前在電視劇《野人老師》中，與旦哥飾演父子的Stanley說：「我同旦爸拍劇嘅時候，佢同期拍緊呢部電影，佢真係好犀利，同一時間駕馭兩個完全唔同嘅角色，最值得學習係旦爸對戲劇嘅追求，超級respect（敬佩），亦多謝導演拍咗一部咁誠懇嘅電影！」
Stanley
去年與旦哥合作新戲的謝安琪，先恭喜旦哥生日快樂，她說：「睇到一個好不一樣嘅旦哥，而題材將被遺棄嘅狗仔同獨居老人串連埋，好有感受。我哋嘅城市好繁忙，忙住生活，好多時忽略咗生命與生命之間嘅感情。你喺我心目中係一個又健康又開心又正能量嘅人，喺呢部戲見到你落泊嘅神情，一個獨居老人，我好傷心。希望多啲人被呢部戲感動，多啲關心身邊嘅人、身邊嘅生命，讓我哋嘅社會多啲愛！」
謝安琪
與旦哥相識幾十年的導演林超賢笑說：「剛才娜姐（周秀娜）話未見過你呢一面，其實幾十年前，你啲樣衰我哋見好多。」旦哥笑說：「所以我要鼓起勇氣叫晒《小男人周記》團隊、阿嘉（陳慶嘉導演兼編劇）嚟睇。」林導認真地說：「多謝台前幕後，老人與狗嘅戲大家睇好多，呢部喺自己生活世界入面，特別打動，尤其是講到棄養，造出好多不幸，令人好感概！旦哥，你喺鏡頭前喊，我第一吓接受唔到，但你繼續喊，我真係畀你打動，好嘢！」身旁的陳慶嘉說：「呢個唔係我見到嘅阿旦，好犀利，見到一個唔熟悉嘅你，做得好好！」
林超賢
林超賢、陳慶嘉
台上旦哥哽咽，他說：「呢啲說話由我合作得最耐嘅好朋友講出嚟，真係頂唔順，多謝！」至於另一位導演好友陳德森非常感觸，因為感同身受，他說：「獨居長者同隻狗，我隻狗啱啱過咗身，好難過。我一直都有關注流浪狗，呢套戲我一定會好好推介，多謝你哋！」
陳德森
此外，捧場的圈中好友還有《得寵先生》音樂總監T-Ma（馬敬恆）、向海嵐、林珊珊兩位女與李澄和李怡、梁釗峰、雲浩影、Vian@me&、許恩怡、音樂人Heyo、「中年好聲音」 的丁文俊、羅啟豪、魏家信和林鉫偉等，星光熠熠。
鄧月平
謝安琪
向海嵐
林珊珊兩位女與李澄和李怡
雲浩影、梁釗峰
Vian@me&
許恩怡
Heyo
「中年好聲音」 的丁文俊、羅啟豪、魏家信和林鉫偉。
