自身與六親的關係
近年人大了，對親情、友情、愛情和子女情既理解感受亦有改變了。
小時候，我地唔會明白父母既好，覺得父母鍚自己係理所當然。現在才發現，原來好多人係單親或父母關係不好。
相識於小學、中學和大學既朋友，我們好容易就會吵架甚至絕交，不知朋友係進入社會後係好重要，出外靠朋友，人際關係、人緣和朋友對自己既人生係有好多裨益。
特徵當你有困難時或失意時，特需要朋友的關心。和朋友相處會比父母多，就算工作上既同事關係好亦令你會順利得多。
愛情伴侶係陪你一世既關係，當然重要，人老了互相照顧和關心，一同面對人生。子女情亦係重要，人口老化，子女既照顧對老人家來講係一個福份。
點解我會講「六親之情」呢？從「算命」上，定義「好命」或「壞命」大多論自身既工作和財運，例如：「紫微斗數」，是由「三方四正」睇財官和遷宫，「八字」行運論工作財運好或壞，二個學派都比較少論「六親」關係。
來自身觀察，朋友、家人或親友揾師傅算八字話佢地命一般，但忽略左佢地六親關係好壞。有些人八字一般，但有父母、朋友和伴侶愛惜，佢地生活簡單地快樂。
有些人命好，但六親關係特別差，就算師傅話命好，佢地都唔會覺得自己孤獨，情願揾少些錢但有人關愛。好多時間只知自身好，其實六親關係好既人，命運亦會提升，助你行得好。
我舉一個命例：有朋友讀書工作都普通，揾錢不多，父母愛錫他，兄弟姐妹一齊照顧屋企，就算自己賺錢一般都可以儲到一筆首期，更不用膽心照顧唔到父母。
由於兄弟姐妹緣分好，屋企有任何事都會互相分擔，壓力相對較輕。相反，有位朋友的父母退休住公屋 ，自己沒有兄弟姐妹，他需要一個人照顧父母，以父母要求家用亦多，令他不能不工作，亦好難儲蓄。
當大家生活背景差唔多，六親關係和緣分既好與壞 ，令二人既生活壓力明顯不同。
人總需要有家人朋友伴侶既幫助和溝通，所以就算自身命運一般，只要有好既人緣關係，生活都會開心和快樂。
佛教有句說話:「未成佛道，先結人緣」，人緣好既人做任何事都會比較順利，所以大家記得要廣結善緣。
作者: 國紫平
#六親之情
#香港兔蘆術數學會
#八字
香港兔蘆術數學會
** 博客文章文責自負,不代表本公司立場 **