T.MAX出新歌呀！
新城廣播知訊台節目主持（海淦清）昨日（7月3日）以歌手身分推出新歌《大細路》，他更專程設計一個扭蛋機，並貼了不少卡通貼紙大搞噱頭，T.MAX還自爆前一晚緊得到失眠，他表示：「今日『BB』出世，噚晚真係瞓唔着，要迫自己瞓。」
新城DJ T.MAX（海淦清）以歌手身分推出新歌《大細路》。
T.MAX坦言「BB」出世，就是緊張得睡不著覺！
T.MAX透露新歌《大細路》的靈感，是來自前度一次向他「發牢騷」，「當時我喺屋企打緊機，佢突然之間鬧我『你可唔可以唔好成日掛住玩呀？屋企又多玩具，上次喺商場有間模型舖，你又走入去望，可唔可以成熟少少呀』，我就諗『你識我已經係咁㗎啦』，跟住好想寫首歌平反，大細路無罪，我哋鬧完交之後都分咗手，依家係單身，不過我都真心多謝佢畀靈感我寫歌。」
曲詞都由T.MAX操刀。
自認小時候是「暴風少年」十分任性的T.MAX，同時亦是一位大細路，家中收藏了5、60隻價值數萬元的遊戲機和遊戲碟，「以前一個月大約有5000幾蚊零用錢，我會唔食飯用一半錢去買。」問T.MAX對新歌《大細路》有甚麼期望？他直言：「希望攞到獎，去答謝曾經幫過我嘅Cleo（高晨維）、Nic Lau（劉凱揚）老師同埋我嘅團隊。」
Cleo老師同Nic Lau一直都好支持T.MAX。
歌手洪助昇（Aiden）和何佩（HOPUI）齊齊接受新城節目主持T.Max及JY《Z世代咪高峰會》錄音訪問，Aiden宣傳新歌《別想跟我再和好》，T.Max形容Aiden性格斯文又內歛，跟歌名大相逕庭，問他何以有如何大改變？Aiden笑言：「做個狠啲男人嘛，平時太軟弱。」訪問於昨日(3月19日)播出。
洪助昇、何佩接受新城《Z世代咪高峰會》主持T.MAX、JY訪問。
何佩與洪助昇
JY反問他：「你唔係憑實力單身咩？」Aiden搞笑謂：「平時面對啲惡毒嘅人，唔好嘅關係就唔好諗住同我好番呀，有時男人都要狠吓嘅，做個硬漢！」Aiden相隔差不多一年才再推出新歌，他透露這期間不斷拍片增值自己，早前亦為同公司的Locksmiths開鎖佬拍攝MV，就連自己的新歌MV亦一手包辦，他表示：「開鎖佬個MV我哋飛咗去台灣拍，我係一個好狠嘅導演，由中午開始拍到凌晨三點，冇畀佢哋停過。」
洪助昇升呢導演險客死異鄉。
何佩新歌描述人生像喜劇。
Aiden指做導演十分疲累，每天剪片剪到天昏地暗，只睡得一、兩小時，他自爆：「我托住頭剪片，感覺到身體喺到休息，但眼睛同手指都喺度郁，最誇張係有一晚臨瞓前飲咗啖水，當時我啲內臟正在休息，我嗰啖水爭啲濁死我，我爭啲死喺當地。」
而HOPUI則宣傳個人第9首廣東歌《喜劇開場了》，她透露新歌描述我們的人生就好像喜劇，「有時候我哋看透咗現實有好多悲傷或者苦況，但我哋可以當佢係一個喜劇，開始咗我哋就繼續演落去，但唔係話扮出嚟，而係我哋要接納佢，做好我哋人生呢一場戲。」
左起：JY、何佩、洪助昇、T.MAX海淦清
