VIVA將於今個月尾推出的第二首歌曲《DTR》。
一連兩日的「第五屆TMEA騰訊音樂娛樂盛典」日前於澳門舉行，演出單立包括SUPER JUNIOR - D&E、NMIXX、NCT WISH等，香港女團VIVA亦受邀出席，而同日表演單位更有BLACKPINK師妹團超強怪物新人BABYMONSTER、韓國天后BoA，絕對是一個國際音樂盛典。
點擊看圖輯
VIVA受邀出席「第五屆TMEA騰訊音樂娛樂盛典」。
VIVA受邀出席「第五屆TMEA騰訊音樂娛樂盛典」。
再到澳門參與大型音樂節，VIVA依然興奮，她們更將今個月尾才推出的第二首歌曲帶上舞台，讓一眾樂迷先睹為快，「第一次唱《DTR》呢首新歌，好緊張，同埋冇諗過現場有咁多觀眾。不過當一企喺台上嘅時候，嗰種緊張嘅感覺突然之間冇咗，轉變成興奮，自己亦都好投入，同埋想大家一齊enjoy首歌嘅感覺。」
VIVA將今個月尾才推出的第二首歌曲帶上舞台。
表演期間，現場氣氛熱烈，不少樂迷都大讚VIVA又睇得又跳得，又問她們的名字，而網上亦有不少網民留言「新歌舞台感十足。」、「啲舞仲跳得好勁！」受到樂迷喜愛及支持，VIVA坦言十分開心，會加倍努力回饋樂迷，「因為始終我哋出咗道只係兩個月，都知道大家對我哋仲未係好認識，但見到咁多朋友留言支持，真係好開心。」
Carina
Ada
而第二首歌曲的節奏及舞蹈明顯比出道歌快，VIVA笑言跳到索氣，「跳到尾嘅時候真係喘晒氣，每一次跳呢首歌都係挑戰緊自己體能極限，所以喺韓國嘅時候已經不斷咁去操練，返到嚟香港之後都唔能夠生疏，要積極鍛鍊好自己嘅體能，應付我哋第二首嘅派台作品。」
Macy
VALC
張敬軒真係好愛錫後輩！
由姜咏鑫（Ada）、李晞彤（Carina）、馬思惠（Macy）及張鈊貽（VALC）組成的女團VIVA今年五月出道，四人出道半年，為了讓成員之間磨合得更好，一向愛錫後輩的師兄張敬軒決定化身「軒社監」借出自己當年的發跡屋，讓VIVA入住一個月。
張敬軒借出當年的發跡屋給師妹VIVA入住。
展開一個月熟成計劃。
軒仔的「發跡屋」位於在天后廟道、樓齡過半百的千呎唐樓，是他搬到港島區後，第一間租住的屋。VIVA入住前，軒仔特意添置不少新傢具及裝修，包括：拆窗花、做廚櫃、翻新牆身、換地板及大門。借出發跡屋，軒仔坦言考慮了一段時間，「四個互相唔太熟嘅女仔變成一個組合，係一件唔容易嘅事，自己亦都同佢哋做過幾次嘢，見到仲有好多嘢需要磨合。所以會想佢哋『同居』一個月，或者一齊住仲會更加多磨擦，但係亦都係對佢哋自身嘅關係會更鞏固，更加了解大家。」
軒仔的「發跡屋」是位於在天后廟道、樓齡過半百的千呎唐樓。
軒仔特意為VIVA添置不少新傢具及裝修。
軒仔特意為VIVA添置不少新傢具及裝修。
軒仔希望VIVA「同居」後關係會更鞏固，更加了解大家。
「軒舍監」親手寫下十大宿社規條：和睦相處、不能帶異性朋友過夜、節約用電安全用電、注意個人衛生、注意鄰舍關係、培養自己的生活習慣、注室友感受、觀察這個社區、注意房間清潔及學會照顧自己，幽點之餘又充滿愛。舊地重遊，軒仔回憶返晒嚟，「呢間屋承載咗好多回憶，包括第一次上紅館、成張《No. ELEVEN》、同埋《酷愛》有啲歌嘅Demo，都係喺呢度唱，《故園花茶》都係喺呢度寫。」
「軒舍監」的話
「軒舍監」的話
觀看相關影片按連結：https://youtu.be/apPZpeQgJto
雖然VIVA早前於韓國集訓時已有同居經驗，但這次正展展開同居生活，四人都有點擔心，「喺韓國因為始終未係咁熟，大家包容度高好多。但而家熟咗啦喎，係咪好多嘢都可以直接講呢？哈哈。」隨後節目組分配各自的家務擔當：「廁所長」Carina負責廁所、吸塵及抹地；「廚房長」VALC負責廚房、煮飯及洗碗；「客廳長」Macy負責客廳、買餸及倒垃圾；「飯廳長」Ada負責飯廳、洗衫及熨衫。
觀看相關影片按連結：https://youtu.be/UFDHPD6MULY
正式入住第一日已經迎來挑戰，就是自己搬行李行樓梯上單位，只見Ada一手將行李箱托起，然後一鼓作氣搬上去，當Ada已經到達單位門口時，其他三位成員仍只是剛開始上樓梯，最後Ada跑落樓梯，幫忙隊員搬篋，認真唔話得。入屋後，問到VIVA希望會有一個怎樣的經歷，VALC坦言想玩，「長期有班friend喺度同我玩會係乜嘢感覺呢？」Carina好奇道：「柴娃娃一齊玩一齊做mission其實係非常之簡單，但係坐喺度講一啲內心嘅說話，先至係最難。」Ada希望想找一個溝通的出口；Macy想大家再熟絡點，「希望我哋私底下都可以變到係friend嘅friend。」
正式入住第一日已經迎來挑戰。
搬行李是一大難題。
Ada自己搬完行李，便跑落樓梯，幫忙隊員搬篋。
