VIVA酒後大膽整蠱Mani Macy自爆：我鍾意咗公司A字頭男藝人

娛圈事

VIVA酒後大膽整蠱Mani Macy自爆：我鍾意咗公司A字頭男藝人

2025年01月18日 11:00 最後更新：15:06

Mani話拍指唔緊要，工作還工作，拍拖還拍拖。

女團VIVA的真人show節目「VIVA Medium Rare House」第七集，同居多日，四人多次被分派不同任務，這天終於可以坐下來「把酒談心」，實行要「Let’s get drunk」，邊飲酒邊玩「Truth or Dare」遊戲，最後更連大膽到整蠱Mani（霍汶希）！

點擊看圖輯

影片截圖

觀看相關影片按連結：https://youtu.be/o_Kby5JIeJg

「Truth or Dare」遊戲玩法簡單，先將空酒樽放於枱中心，然後其中一人轉動酒樽，當酒樽停下時，樽蓋指向誰，那個人便要先喝一口酒，然後選擇Truth或Dare，完成指令。為了盡快進入氣氛，遊戲前，四人已飲了不少梅酒作熱身。其間Carina選了Truth，被VALC問初吻地點；VALC選擇的Truth又被問最想踢走哪位成員等等。

隨後Macy選了Dare，眾人商議後，決定要Macy整蠱Mani，發訊息跟她說自己喜歡了公司中英文名A字頭的男藝人，看看Mani有甚麼反應。Macy裝出一副無奈的表情說：「想我退團都唔係用呢種方式㗎嘛！」訊息發出後，Ada、Carina及VALC均猜Mani會問是否楊天宇（Angus），因為二人之前合作拍攝電影《裡應外合》，節目主理人枉阿姐問Macy有否喜歡Angus，不知是否「飲大咗」，Macy竟說：「呢個問題好難答呀，唔可以話有，亦唔可以話冇。」三人露出驚訝表情，大笑說：「咁咪即係有囉！呢個仲爆過我哋整蠱Mani喎！佢自爆咗喎，完全冇expect過佢會咁講喎！」

隨後Mani回覆問：「Andy（黎展峯）？Angus（楊天宇）？」Carina回覆：「希望你唔好嬲我。」隨後四人繼續玩遊戲時，又收到Mani回覆，「唔緊要，最緊要工作還工作，拍拖還拍拖。」四人頓時尖叫並說：「其實公司真係好好、好開明。」

最後，四人決定跟Mani視像，「我哋玩緊大冒險呀。」Mani說：「咩呀？玩咩呀？邊個呀？邊個A字頭呀！」你哋開心啦，我叫你哋減肥，見到你哋又有零食又有酒，我聽日搬架跑步機上嚟俾你哋，你哋食嘢就要做運動啦，唔好諗住冬天喪食。」四人飲得興趣，便裝作聽不到Mani說話，更向電話舉杯大叫「Cheers」，然後又表示「收唔到」：「bye bye Mani，bye bye。」認真大膽！

之後輪到VALC選Dare，任務是致電一人，通話期間cut線，VALC打給同公司的歌作黃明德（Dark），然後又是一輪吹「講經」，「我啱啱聽到啲勁爆嘅嘢，你唔好同人講呀，我哋隊有一個人對你有少少感覺。」Dark大「吓」一聲問：「你喺邊度聽番嚟？我個心跳得好快喎……咁癲？」三女即時掩嘴爆笑，VALC追問：「咁你估吓係邊個？」Dark口窒窒地說：「A（da）囉……」VALC說了句：「好啦，其實係……」然後便立即cut線！」任務完成，三人即拍手大笑，VALC續說：「等我下次見到佢先同佢講。」遊戲結束，是集MVP由Macy奪得。

往下看更多文章

VIVA相見好同住難？Ada VALC情緒大爆發炒大鑊

二人「攤出嚟講」後感情更進一步。

女團VIVA真人show節目「VIVA Medium Rare House」來到第十二集，正所謂「相見好同住難」，四人同居接近一個月，成員姜咏鑫（Ada）跟張鈊貽（VALC）終於情緒大爆發炒大鑊，不過在「互片」後，二人在節目組的安排下決定「攤出嚟講」，有笑有淚的結局，令大家感情更進一步。

觀看相關影片按連結：https://youtu.be/UO3b-tye55w

「VIVA Medium Rare House」同居計劃接近尾聲，在最後一日，節目組問四人有甚麼願望，四人對宿舍內多部攝影機的清晰度及收音十分感興趣，於是節目組播出一些從未曝光片段，當中有Carina於梳化食齋燒鵝及Ada幫忙善後、Ada跟VALC捉曱甴、Ada偷運私家枕頭回宿舍等，還有一條被節目組認為是「謎一樣」的片。片中播着VALC在飯廳開着電腦，其餘三位成員在另一房間化妝，突然間VALC對着房間內三人大喝，最後更衝進房內。

播完片後，VALC解說當時正在處理學校多個問題，加上工作行程調動，當時Ada一句：「又嬲」，令她情緒頓時爆發，然後失控。問到二人是否已經和好？還是仍然有介蒂？Ada坦言沒有介蒂，「不過好似有啲嘢仲未講開。」

為了二人可以坦誠相對，節目組便安排二人坐下來說出內心真實感受。Ada首先訴說：「有時你覺得我語氣唔好，或者覺得我好似好晦氣，我覺得呢件事係雙向。因為我聽到好多係：『唉，我好想走呀』、『我好想離開呢度』、『唉，我好煩呀』，突然之間衝出嚟一句，但人哋會feel到係唔舒服。」Ada續說：「嗰一刻我都好想發脾氣都好想衝出嚟鬧你，但係如果我衝出嚟鬧仔，其他人會點？咁就散㗎啦，冇㗎啦。」Ada邊喊邊說其實自己都想逃避，因為不知道如何面對VALC。

向來性格直率的VALC也忍不住落淚，坦言這次爆發之後，會令她想起家人的概念，「有幾多鬧交、幾多憎恨，但其實佢係好愛你，所以我就會慢慢feel到呢種感覺…… 我覺得慢慢變成一個…… 家，真係好似家人，所以就俾咗一個好好嘅原因要同你好好相處。」經過互相「表白」後，Carina笑說要來一個家庭式的擁抱跟合照，二人最終於有笑有淚下大和解。

不少網民睇完片後都紛紛留言支持及鼓勵，「人係需要慢慢成長同磨合，特別係佢地4個本身都係岩岩先識，有磨擦都係好正常。臨尾見到ValC痴番住Ada影相，佢地喊住講既說話都睇得出佢地都係愛大家既」、「好在面對衝突，大家都願意傾，了解大家多啲。唔同性格嘅你哋一齊，造就更好嘅你哋，感情會更好。唔止係隊員，係家人喔。」、「Val c得20歲，太年輕會比較衝動同年少輕狂，需要多啲歷練同成長，我諗好多人係呢個歲數時都係咁嘅。」