解風福岡丨杜如風糸島白色鳥居遭fans野生捕獲 解封校巴情緣迷上印度男

Helen分享了一段加拿大留學時的puppy love。

由「日本旅遊達人」之稱的杜如風（Helen）主持王牌旅遊節目《解風福岡》昨晚（10月7日）及今晚（10月8日）去到有「小夏威夷」之稱的糸（音覓）島。

昨今兩晚Helen介紹糸島。

Helen在必到打卡勝地白色鳥居及夫妻岩，被一班fans野生捕獲，自拍當然少不了，她還擔任攝影師替fans影合照。除了打卡外Helen還推介糸島必食；每位5,680日圓（約284港元）90分鐘海鮮放題，她的食評為︰「我夠膽講呢間係我食過燒海鮮以嚟，CP值最高一間。另外，島內另一必食的還有木桶魚生丼店。

當中打卡勝地白色鳥居及後面的夫妻岩。

當中打卡勝地白色鳥居及後面的夫妻岩。

Helen被fans野生捕獲。

Helen被fans野生捕獲。

糸島沙上竟然有多啦A夢的隨意門。

CP值極高的燒海鮮放題。

CP值極高的燒海鮮放題。

CP值極高的燒海鮮放題。

CP值極高的燒海鮮放題。

糸島必食木桶魚生丼。

糸島必食木桶魚生丼。

糸島必食木桶魚生丼。

糸島必食木桶魚生丼。

今晚Helen介紹美國校巴改裝的Vintage Shop時，她解封了一段puppy love。節目中Helen透露於加拿大留學時，曾暗戀一名印度籍男孩子，欲言又止。事後Helen接受訪問時表示與印度男仔是同校同學，「佢好靚仔，輪廓好深眼大大、瘦瘦地，係我唔同班嘅同學。大家搭同一班校巴返學。佢成日坐埋我隔籬左近。返學放學都見到佢，嗰時太細個唔敢主動。」她笑言之後考到車牌開車返學，這段「戀情」便無疾而終。

Helen身後的美國校巴，令她想起當年的校巴情緣。

Helen中學年代曾暗戀一位印度男仔。

Helen中學年代曾暗戀一位印度男仔。

提到加拿大留學生活，後晚（10月10日）Helen將繼續爆料，她在二手店見到一款Gucci竹系背囊時，自言當年讀書亦曾擁有一個，她鬼馬地說︰「呢個袋原價係20萬日圓（10,600港元）左右，而家5萬日圓（約2,650港元）就買到。有個故事話畀大家聽，呢個竹袋係我哋90年代，加拿大每一個女仔都會買一個返嚟當書包用，真係個個都有嘅。但係大家都睇到，呢個背囊細到咁，一本書都擺唔落，證明我哋去到（留學）淨係買嘢，唔係好返學。

90年代加拿大女留學生，都人手一個Gucci背囊。

中古價只要當年約四份一價錢， Helen大表心痛。

Helen孭起背囊重拾學生妹感覺。

Helen孭起背囊重拾學生妹感覺。

導演取笑Helen只似朱茵的姓「豬」。

此外，Helen會於本周四（10日）於IG開Live跟網民chit chat，而《解風福岡》在TVB Plus官方社交媒體推出精華回顧，以短片形式剪輯每段精華片段。

杜如風自言沒有拍拖已10年！

有「日本旅遊達人」之稱的杜如風（Helen），為TVB Plus（82台）主持的王牌旅遊節目《Cashing Pro 私人貸款呈獻︰解風福岡》，今晚（24日）8點35分及明晚（25日）8點半播出最後2集，明晚一集會播出一小時版。

明晚（25日）Helen拜訪戀木神社求姻緣。

Helen求得一支「末吉」籤。

明晚（25日）最後一集加長版，自言沒有拍拖10年的杜如風（Helen），趁最後一擊自肥來到戀木神社，是日本惟一一間只求戀愛，無其他可求的神社。而整個攝製隊亦有多位單身人士，為此他們組成「求偶者聯盟」求戀愛運降臨。為幸福Helen二話不說來到求籤，希望戀愛之神眷顧。求籤前她喃喃自語︰「如果呢個都唔得，就真係唔知點算。」結果她只求得一支「末吉」籤，她不禁輕嘆︰「呢鋪真係好抆水。」籤文中提到「過去曾經受過戀愛傷害…..」似乎頗靈驗，接住內容指「祈求真實戀愛，就要帶住希望去等待，人生還是很漫長，要有未來的夢想……」Helen苦笑說︰「即係仲有排等，我等咗好多年喇。」

Helen的製作團隊居然大部份都是單身。

化悲憤為食量，Helen幫襯一間多靚仔的爐端燒店。

Helen睇中爐端燒店內的「爐端燒Chilam」。

跟一班靚仔侍應合照，Helen笑到合不攏嘴。

既然愛情暫時未有着落，Helen化悲憤為食量食爐端燒，重點是該店出名靚仔多。入到店內Helen面對一群俊俏的男侍應，即時顯得心花怒放，特別對一位貌似張智霖的「爐端燒Chilam」讚不絕口，猛話對方靚仔，而對方亦以Helen可愛來回應。經過一輪互相「調情」後，「爐端燒Chilam」細心為Helen剝蝦殼，令她仿如享受殘廢餐般，之後她更跟店內男侍應合照，聊補未有拖拍的苦況。臨別秋波Helen明晚還會介紹一間罐頭居酒屋，內有超過500款罐頭可供選擇，她還被導演整蠱，會試食一款原隻蝗蟲製成的罐頭，到底會出現怎樣的場面，明晚便會揭曉。又會光顧一間人龍炸三文治店，標榜零卡路里，等閒要排2至3小時，確實非常之癲。

團隊的女寫手講起靚仔亦眉飛色舞。

該間爐端燒的食物亦非常出色。

罐頭居酒屋逾500款罐頭提供。

人龍炸三文治店等閒排2至3小時。

逾30款炸三文治全部標榜零卡路里。

今晚（24日）Helen除了繼續發揮海膽殺手本色外，還會拼死食河豚（雞泡魚）。又會介紹一間性價比極高的米芝蓮一星餐廳，12道菜的午餐收費15,000日圓（約750港元），非常抵食。

今晚（24日）Helen繼續福岡吃喝玩樂之旅。

拼死食雞泡魚。

Helen繼續充當海膽殺手。

此外， TVB Plus官方社交媒體推出最新一輯《解風福岡》回顧，金句計有︰「終於要同福岡王子見面喇，唔知太子有無去過太子呢，我淨係去過旺角」、「面頭呢浸卜卜脆，好似我35年前咁」、「好猴擒似追我啲男仔咁」，「筷子要刻名，因為我係自己屋企真係唔見晒啲筷子囉」上述金句配上Helen抵死表情，格外好笑。

Helen推介一間性價比極高的米芝蓮一星店。

國餐廳主廚金丸建博貌似日本藝人淺野忠信。