第八期「青年委員自薦計劃」評審即將開鑼！中西區的施寶瓏同東區的郭杰駿，兩位青年委員興奮開腔，分享過去兩年喺地區青年委員會嘅點滴收獲，仲大爆面試秘技。
佢哋透過民青局「青年委員自薦計劃」分別加入咗「東區地區青年社區建設委員會」同「中西區地區青年發展及公民教育委員會」，平時除咗參加委員會會議，亦有機會協助籌辦活動，從年輕人角度為地區帶嚟創新想法，為社區出謀獻策！郭杰駿話委員會成員來自唔同嘅背景，大家喺籌備活動過程中都暢所欲言參與討論，同時亦能貢獻自己嘅知識同專長，令成件事做得更好。施寶瓏就話平日開會氣氛非常融洽包容，地區人士好歡迎同鼓勵青年委員發表意見，仲畀好多空間佢哋實現想法，發揮所長！
施寶瓏
除咗工作心得，兩位青年委員仲分享佢哋當初嘅面試經驗同小貼士，希望幫到大家喺面試嘅時候可以更好咁表現自己。施寶瓏話要真誠展現自己，亦要識得分享自己喺地區嘅參與同經驗，比如佢當時就分享佢喺地區參加過領袖訓練計劃，佢又寄語面試嘅青年朋友唔需要太緊張。郭杰駿就話要對社區有深入嘅認識，同時要主動啲提出自己嘅意見，因為面試官都會問你有什麼想法、有什麼措施可以令居民對社區有更深入嘅認識㗎。
郭杰駿
Sebastian
** 博客文章文責自負,不代表本公司立場 **
九龍城一年一度盛事，一連三日的「龍城美食潑水泰繽紛」已於4月13圓滿結束。雖然這在剛過去的周末，間中有過雲雨，但都無阻市民和旅客的熱情。民政及青年事務局稱，活動成功吸引超過8.2萬人次參與，大家一齊過了一個「泰」繽紛、「泰」精彩的周末，也感受到「18區日夜都繽紛」的歡樂氣氛。
小朋友大玩色彩繽紛的水槍，滿場飛兼瘋狂亂射。
今次節目多籮籮，除了有正宗泰國特色美食，還有泰拳比賽、歌舞表演、泰式按摩等，大受市民歡迎。其中，泰國服飾體驗及浴佛儀式，都見現場大排長龍，而「電音x潑水」體驗，更將活動推向高潮，不少市民一家大細參與，大讚現場氣氛好好，真正感受到「泰國過新年」般的熱鬧。
外籍客笑言，感覺自己像在「泳池」般，一邊跑一邊向所有人射水。
現場見不少小朋友大玩色彩繽紛的水槍，滿場飛兼瘋狂亂射。有前來「玩水」的外籍人士笑言，感覺自己像在「泳池」般，一邊跑一邊向所有人射水，很有趣。
有商戶出動「猛男」坐陣，吸引不少市民「打卡」。
九龍城民政專員蔣志豪說，今次的「泰繽紛」活動吸引不少國際旅客，感受到香港地區共融氣氛之餘，亦加強消費，大家都有幸福感。
潑水節當天的巡遊，熱鬧非常，附近商戶都受惠生意急升。
活動亦成功帶動社區經濟。有檔主話，好開心能夠做多點生意，更要準備更多貨量「先夠賣」，市民留港消費，幫助到香港整個市場。有商戶稱，今次活動讓市民體驗不同特色的文化，自己亦做多點生意；有食肆檔主說，今次人流多，他們出動「猛男」坐陣，更吸引不少市民影相「打卡」，相信帶動消費力。
附近商戶亦表示，這幾日人流增多，營業額更比平日增長3成；附近食肆更座無虛席，比平時做多兩三輪生意。
民青局局長麥美娟主持活動開幕儀式。
民青局在Facebook更有當日「泰繽紛」片段，讓網民再次感受節慶熱鬧氣氛。潑水節泰繽紛活動雖然圓滿結束，但由即日起至5月6日還有「消費大抽獎」同商戶優惠活動，大家記得在留言位置睇詳情贏巨獎啦！
