去年12月，江若琳（Elanne）於尖沙咀彌敦道發生嚴重交通意外，其座駕懷疑「失控」撞向燈柱後向左翻側，幸好她當時只受了輕傷，經醫院檢查後便回家休息，而網民亦稱意外地點為「江若琳灣」。已有數個月沒駕駛的她決定要喺邊度跌低就邊度起返身，在老公蕭唯展（Oscar）的陪同下重返交通意外現場試新車且克服恐懼。
Elanne克服恐懼
Elanne重返「江若琳灣」
Elanne重返「江若琳灣」
Elanne指自己是擁有超過十年車牌的女車手
蕭唯展是Elanne的最佳Support
試車前，Elanne坦言：「始終會有少少陰影喺度。」Oscar認為：「都要佢自己克服返喇。」對於再次坐上駕駛座，Elanne直言：「好緊張！」Oscar表示：「都好擔心㗎，但係都要克服嘅，點都要。」Elanne說：「雖然我呢個角色講出嚟，就唔係好有說服力，但係我想話畀大家聽，其實我係一個擁有超過十年車牌嘅女車手，我揸車一直都係非常之安全同可靠。我覺得喺正常發揮下，其實我都OK㗎。」
一家三口
Elanne先去狹窄的停車場內嘗試泊位，再駕駛至「江若琳灣」，即尖沙咀加連威老道轉出彌敦道的彎位，最終成功為自己平反。Elanne大讚身旁的老公是最佳Support！Elanne今次選用舒適的家庭車試車，並計劃將來可以充當司機，帶一家大小到處去。
早前泳兒 （Vincy）找來江若琳（Elanne）拍攝情人節短片，為Elanne製造情人節驚喜給老公蕭唯展（Oscar）。 炮製驚喜前，Vincy跟Elanne更特別約出來開會，先了解Oscar的習性。
觀看相關影片按連結：https://youtu.be/wcRFAppr25w
多數女生或多或少都有點儀式感，當Vincy問Elanne時，她坦言自己是「零儀式感」，更指老公Oscar同樣沒有，Vincy十分驚訝，「你唔會嬲㗎？」Elanne坦言：「少嬲囉，口講話：『唔嬲、唔駛啦。』心裏面就反晒眼。拍拖頭一年就有嘅，哈哈，之後就冇啦。」Vincy追問她喜歡Oscar甚麼，Elanne指喜歡他「夠現實」，「好踏實嘅，佢嗰啲浪漫同埋情趣係得我一個人會明白，所以佢應該係溝唔到其他女人嘅，哈哈。情人節我哋冇plan㗎。」然後Vincy開始試探Oscar是否會猜到驚喜，Elanne笑說：「佢係唔醒目，因為佢係知道我係從來唔會做任何嘢，佢應該係諗唔到嘅，以佢嘅智商。」
影片截圖
影片截圖
一切準備就緒，原來驚喜是Camping，又與Vincy一齊煲了Oscar喜歡吃的臘味糯米飯、蛇羹，又於營地上掛了多張Elanne跟Oscar的合照、一家三口的合照，再加上燈飾，既溫馨又浪漫。當Oscar到達營地見到Vincy時，平淡地說：「喂，好耐冇見喎。」原來較早前Elanne已露出馬腳，Oscar問她當日有甚麼工作時，Elanne一時說拍賀年訪問、一時又說要回公司開會。
影片截圖
影片截圖
當Vincy回到露營車上跟Elanne準備糯米飯時，獨留在外的Oscar說：「呢啲環境我懷疑個仔已經出現埋㗎啦喎。好嘢呀，今日啱啱係最凍，出咗呢個寒冷天氣警報，俾咗呢個驚喜係非常之難忘嘅。」隨後，Vincy跟Elanne送上糯米飯及蛇羹，又播出他們一家三口的短片，三人看到眼濕濕，Vincy見Elanne喊出來，自己也忍不住喊了起來，最後更帶來二人一歲的兒子Owen，整個驚喜圓滿結束。
影片截圖
影片截圖
影片截圖
問到Vincy籌備這個企劃原因，她指雖然自己並非典型的sweet女生，但卻是一個喜歡給朋友或另一半驚喜的人，「我係一個行動型嘅女朋友，所以今次都想將我呢個好鍾意俾surprise人嘅一個喜好，送俾一啲圈中嘅情侶好朋友。」播片時，Vincy自己都喊埋一份，她謂自己是一個很容易被其他人情緒感染的一個人，「同埋條片個background music係我首新歌《無糖可樂》，聽番原來係有咁大威力，夾番落去一啲溫馨嘅畫面度，個威力好大，我覺得成件事係觸動到我。」
江若琳一家三口與泳兒合照。
問到今年情人節點過？她說：「就係喺公司間Concept Store唱歌，然後返屋企二人世界。我覺得最浪漫嘅情人節就係兩個人一齊過，做乜都冇所謂，唔一定要一啲好天花龍鳳嘅驚喜，食餐飯一齊渡過咗嗰日已經係好浪漫。」
