糖妹效忠維高文化(Wow Music)五年，「升呢」成為一姐，近日更被委以重任，帶領師弟Don（享樂團主音伍浩然）及師妹若琪（Takki）見世面！糖妹急急澄清：「唔敢講係師姐，我哋係一家人，團結就是力量。」不過，糖妹寄語新人要謙虛，保持一個學習心態，那便算是成功了。
親民糖妹因有觀眾緣，工作及廣告接過不停，成為了Wow Music「搖錢樹」。有能力幫公司賺錢，老闆自然錫到濃。正式「升呢」為一姐！她坦承：「呢個係公司策略，帶住新人唔會構成壓力，反而感受到團結就是力量。如果我真係做到公司搖錢樹都唔錯，對自己都有所交代同時，搖到錢，我又賺到錢換大屋啦。」
除此之外，糖妹最近的派台作品《年輕的心跳》，與享樂團及Takki共同創作，稍後更會推出與偶像范曉萱合力創作的輕快情歌，她興奮地說：「小萱真係我兒時偶像，經過多番同老闆反映終於得到合作機會，小萱除左幫我填詞，仲幫我做歌曲監製，真係超級緊張同興奮。如果可以，日後我仲想同伍佰、方大同、張繼聰及張敬軒哥哥合作，相信一定好有音樂火花。」
