2019年嘅4月15日，大家仲記唔記得做緊乜？相信好多人都同霸戲哥一樣，眼光光咁望住BBC個live，見住熊熊烈火將歷史古蹟巴黎聖母院個屋頂燒成灰燼，而你坐喺電腦前乜都做唔到，心都噏埋。

巴黎聖母院算係法國最具象徵性嘅地標之一，每年有成千萬遊客嚟觀光。巴黎聖母院
建於1163年至1250年間，係天主教巴黎總教區嘅主教座堂，歷代總統同重要人物嘅葬禮都喺呢度舉行，入面亦擺放咗無數珍貴嘅文物，所以呢場大火令全球人類同聲一哭，尤其法國人更加接受唔到，甚至產生創傷後遺症。

Netflix最近有齣影集《聖母院浴火重生記》上架，故事背景設定喺聖母院發生火災當晚，除咗重現消防隊竭力撲火嘅情景，亦側寫入性如何經歷重重考驗，真正浴火重生嘅，其實係人性嘅光輝。

火災後，法國總統馬克龍隨即宣佈啟動修復工程，全球多名富翁亦有捐款協助修復。預計2024年完成重建，趕及喺2024年巴黎奧運會前完工。




霸戲哥

** 博客文章文責自負,不代表本公司立場 **