大家一定玩過幸運大輪盤，係咪好過癮呢？有理由相信，Netflix班高層一定好鍾意玩，鍾意到度新節目都拎嚟轉，尤其係技能真人騷比賽呢類，轉中邊瓣就開邊辮。但當煮食、木工、裝修、賣樓，就連吹玻璃咁冷門都統統拍過時，仲有咩topic未轉中呢？
當然呢點你唔使同Netflix擔心，正所謂行行出狀元，今次輪到調酒師嚟個大比拼。《王牌調酒師》邀請12位嚟自世界各地嘅優秀調酒師參賽，競逐10萬美金同埋「終極調酒師」稱號。
唔睇節目，真係唔知原來調酒都咁多學問，淨係用咩材料去調，點樣撞個味道出嚟，甚至乎點樣襯個顏色，都極之講究。絕對唔係霸戲哥所諗咁，以為好似搖骰盅咁就可以。
大家仲記唔記得張家輝同吳孟達主演嘅《娛樂之王》？最經典一幕梗係佢兩個鬥溝酒，然後畀對方飲，邊個未冧邊個贏。如果《王牌調酒師》用呢個賽制，可能仲好睇噃！
霸戲哥
** 博客文章文責自負,不代表本公司立場 **