方國珊接受新城《QK玉瑛室》譚玉瑛、何基佑及黃筠兒訪問，為西貢區市民盡心盡力，搭粵曲戲棚又搞文青攤檔。
現任西貢區議會議員方國珊日前到新城廣播接受《QK玉瑛室》主持譚玉瑛、何基佑及黃筠兒訪問，18歲加入娛樂圈的方國珊，曾參演多套電視劇及電影，因飾演「哪吒」一角深入民心，她亦與不少圈中人熟稔，更與演藝界長青樹胡楓（修哥）上契，成為修哥眾多契仔契女之一。
現任西貢區議會議員方國珊日前到新城廣播接受《QK玉瑛室》主持譚玉瑛、何基佑及黃筠兒訪問
現任西貢區議會議員方國珊日前到新城廣播接受《QK玉瑛室》主持譚玉瑛、何基佑及黃筠兒訪問
譚玉瑛在節目中問方國珊最近可有見過契爺？她表示：「有呀，佢好威呀，啱啱喺澳門開完演唱會，92歲真係破天荒，我會形容契爺係一個宇宙最強的godfather，同埋最好嘅爸爸。」譚玉瑛附和稱：「你形容得都幾啱，佢完全冇架子，對任何一個人都冇身份界限，仲會主動撩你傾計，愈後生愈會走埋你身邊，會主動問候吓你，之後再開始工作。」
方國珊亦大讚契爺為人好sweet和親民，「佢好睇後輩，我同佢好有緣份，幾十年前喺電視台相識，有緣份同森森、斑斑一齊契咗佢做契爺，仲有張學友同黎明，黎明係我契細佬，契爺係我哋嘅典範，我會終生向佢學習。」方國珊還大爆修哥最近開通了小紅書，並身兼主播四出訪問藝人，「佢話訪問人，啲後生嘅一定企定定，見到佢真係好上進。」
方國珊亦大讚契爺為人好sweet和親民
身為西貢區議會議員，方國珊除了盡責地區工作，亦在疫情後積極復常，振興該區的經濟；適逢日前西貢天后誕，西貢市中心連續數天有大型慶祝活動，方國珊亦特別作出介紹，「我哋喺廟附近搭咗個好大嘅戲棚，有粵曲同粵劇演出，今次重頭戲仲引入100個攤位，有好多文青市集，希望吸引多啲市民嚟玩。」
伊健：「已經唔記得蝕幾多，好彩仲有得做，慢慢填晒啲氹。」
藝人鄭伊健現身新城廣播接受好友譚玉瑛（阿譚）、何基佑及麥皓兒主持的《QK玉瑛室》錄音訪問，伊健和阿譚因合作兒童節目《430穿梭機》而成為好友，兩人久別重逢不但沒有芥蒂，反而互窒兼互相爆料，為直播室帶來不少歡笑聲。
鄭伊健接受好友譚玉瑛（阿譚）主持的《QK玉瑛室》錄音訪問。
伊健近日忙於為電影《久別重逢》宣傳，提到戲中飾演「少年鄭伊健」的陳卓賢（Ian），他笑指Ian極像初出道的他：「答問題都係答一兩句，不過，我依家已經講多咗嘢。」
伊健近年閒時與太太蒙嘉慧（Yoyo）旅居日本，生活優哉游哉。早年伊健打本給Yoyo在日本開設房地產公司，事隔數年，Yoyo近日決定「回流」返港，伊健稱：「嗰邊學習完就算，依家游手好閒。（陪你打機？）睇吓咩機啦，佢有少少沉迷，我係試玩，但佢一定要打爆機，鍾意玩就會係咁玩，直至有一日唔想玩。（你影響太太？）唔關事，佢本身性格好男仔頭。」
鄭伊健與譚玉瑛互窒玩爆料！
何基佑形容伊健有太太陪打機，又可以做自己喜歡的事，絕對是人生勝利組，甚至死而無撼，伊健聞言搞笑謂：「你返屋企會唔會有事？」及後，阿譚對住伊健表示：「你唔好睇小我，我一次機都未打過。」伊健笑指：「但你係飲紅酒師祖級人馬。」隨即表示要爆阿譚料：「佢做緊兒童節目時已經飲紅酒，但嗰時社會好封建，話飲紅酒就唔可以做兒動節目，所以我保守個秘密直至依家先講。」
鄭伊健自爆買樓投資慘變負資產。
阿譚就大爆伊健拍兒童節目時記稿最差，但伊健給他的感覺十分乖巧又正氣，「佢啱啱出嚟做嘢，有日同佢傾計講抱負，佢話第日要買間屋比父母住，我當時都冇諗過，唔通我真係咁不孝？」不過伊健自爆當初聽前輩意見，賺到錢要買樓投資，怎料慘變負資產，「我好聽話真係買咗樓，點知一買樓市就冧，可能買多咗，變咗負資產，已經唔記得蝕幾多，總之我就明白一句說話，就係『無事一身輕』，點會諗到好畀心機工作，但無啦啦多撻瘌，好彩仲有得做，慢慢填晒啲氹。」
伊健和Yoyo結婚超過十年，阿譚問他由兒子變成丈夫的心態有沒有轉變？伊健說：「冇。（你係一家之主？）都係兩個人啫！（喺屋企有話事權？）冇權話事㗎！但我哋兩個想法好接近，夠用就得，已經好開心。」之後阿譚問伊健為何不生育？他指看新聞覺得世界太亂，所以怕了，隨即反問阿譚：「咁你都一樣㗎！」阿譚沒好氣說：「呢條問題由我嚟問真係激氣。」其餘兩位即拍手掌大笑。
左起：何基佑、譚玉瑛、鄭伊健、麥皓兒
