獲顧紀筠安排6月之星生日派對 姜大衛化身「雙刀大俠」切蛋糕

出席生日派對的來賓位位都是娛樂圈中的勁人！

姜大衛（John哥）縱橫娛樂圈逾70年，早前首次入圍香港電影金像獎，並成功憑《白日之下》奪得「最佳男配角」，與攜手走過50年的太太李琳琳更是圈中出名的模範夫妻。日前姜大衛踏入77歲生日，在正日生日前一天便與一眾6月之星一同舉行生派對，出席派對的來賓更位位都是娛樂圈中的勁人！

姜大衛縱橫娛樂圈逾70年。

早前在金像獎憑《白日之下》奪得「最佳男配角」。（本網記者攝）

與太太李琳琳結婚50年依然恩愛。

6月29日是姜大衛的77歲生日，月中已獲好友陳淑芬為他率先安排生日飯局。

姜大衛在IG分享生日派對當日的照片，並透露今次生日會是由顧紀筠及富貴老公陳仕煒（Owen）安排，可見除了形影不離的太太李琳琳，還有胡楓、陳淑芬、何麗全夫婦、尹錦輝等人，而同為6月之星則有曾勵珍、江耀城（鬍鬚Kong）、曾為台灣天王周杰倫在香港主辦演唱會的老闆Simon Tse及太太Mary。相中又見當日一共有七個蛋糕，姜大衛和曾勵珍各有兩個蛋糕，難怪姜大衛都搞笑留言要用兩把刀來切蛋糕，「好耐冇拍武俠片啦，今日（雙刀大俠）」。不少網民都紛紛送上生日祝福予，姜麗文亦留言：「Happy Birthday 四叔！love you！」

顧紀筠及富貴老公陳仕煒安排一眾六月之星舉行生日會。

Simon Tse及太太Mary、鬍鬚Kong、曾勵珍、姜大衛

七個蛋糕好壯觀！

姜大衛笑言要化身「雙刀大俠」。

John哥入行至今仍保持初心！

藝人姜大衛（John哥）日前 (17日) 接受新城廣播節目《QK玉瑛室》主持譚玉瑛、何基佑及麥皓兒訪問，童星入行至今已73年的John哥，直言當初是父母帶入行，「我父母都係做呢行，咁啱又要搵小演員，嗰時都冇得揀，係個天揀我，後來觀眾揀，直到依家。」

姜大衛接受新城《QK玉瑛室》譚玉瑛、何基佑及麥皓兒訪問。

John哥直言入行至今都保持初心，由於是自己喜歡的職業，所以就算有多辛苦都不會有怨言，「我一生人過得都幾燦爛、幾滿足，4歲由童星做到依家，完全冇埋怨過，唔知點解，一定係好鍾意呢行，唔覺得攰。」John哥又指小時候拍戲很開心，因為可以賺錢又不用上學，「我十幾歲就做主角，五百蚊一部戲，後期做武師就鍾意拍打戲，邵氏搵親我哋都係拍武打片，當年後生唔知咩叫辛苦，日頭打完，夜晚收工就出去打保齡、打枱波。」

John哥入行73年。

John哥大爆與太太李琳琳相識經過是在婚禮上。（本網記者攝）

John哥和太太李琳琳結婚至今携手走過50年，他大爆兩人相識經過是在婚禮上，「當年石天結婚，佢做伴娘，我同朋友去飲，其實同佢都識，但唔係好熟，之後梗係我追佢啦！」譚玉瑛聞言表示：「當時喺觀眾眼中，佢（李琳琳）好似飛女，成日着迷你裙又化粧，係時代尖端女性，就算你成日拍武打片，但你又好文靜。」John哥笑言：「我都唔知鍾意佢啲咩，係緣份。」

姜大衛與譚玉瑛

何基佑問John哥當時與李琳琳拍拖有什麼考量？John哥形容兩人是敢作敢為，「真正嘅明星係唔可以公開戀情，驚粉絲唔鍾意，同埋影響票房，但我個人好反叛，覺得結婚好正常啫，我仲係奉女成婚，冇大排筳席，我哋係天主教徒，只係去教堂結婚，夜晚飲完第二日就飛咗去度蜜月。」John哥續說：「我係飛仔，佢係飛女，都係反叛，但結婚係我哋私事，唔需要交代，只要我向佢交代，佢向我交代，好聽啲係前衛，我哋係為咗目的不擇手段。」

詳細節目內容，請重溫6月17日，下午3-4時，新城知訊台《QK玉瑛室》節目，收聽網址：https://www.metroradio.com.hk/MetroInfo/