「小薯茄」麗英自揭分手傷心經歷 曾被男友嫌棄T恤牛仔褲打扮

麗英：「呢個原因真係令我好驚訝，最後明白佢只係唔鍾意我。」

「小薯茄」成員麗英和網紅歌手劉曉穎（Sona）今天（8月21日）到新城廣播接受T.MAX和JY主持的《Z世代咪高峰會》訪問，剛推出新歌《解咒說明書》的麗英，透露歌曲是其真實經歷，她表示：「以前有段關係畀人嫌棄過，真係好慘，分手原因係話我着太多T恤、牛仔褲，呢個原因真係令我好驚訝，最後明白佢只係唔鍾意我，所以用咗呢個藉口，令我上咗一課。」

T.MAX、JY訪問「小薯茄」成員麗英及網紅歌手Sona。

麗英與Sona大派心心！

至於Sona則與《全民造星V》的鄧家杰合唱《誰的錯》，新歌是一首失戀歌，亦是一位朋友的真實經歷。Sona被問到若揀選一位歌手跟自己合唱，自己會選哪一位？她說：「我會揀麥浚龍，因為中學已經聽佢嘅歌，所以都想同佢合唱，有少少私心，不過佢又唔似會唱呢類嘅歌。」

麗英剛推出新歌《解咒說明書》，透露歌曲是其真實經歷。

曾被男友嫌棄T恤牛仔褲打扮。

Sona表示想同麥浚龍（Juno）合唱。

詳細節目內容，請重溫8月21日，下午4-5時，新城知訊台《Z世代咪高峰會》，網址：https://www.metroradio.com.hk/MetroInfo/

麗英：「希望大家可以走出陰霾，要愛自己！」

是演員又是歌手的麗英，在鏡頭前大家總能感受到她的歡樂，一直以來推出的歌曲以跳脫輕快為主。繼年初的《美男子圖鑑》後，推出新的情歌《解咒說明書》，是麗英較少展露的傷感面向。歌曲靈感來自於她自己的感情經歷，為了製作這首歌花費了6位數字，更前往日本拍攝MV。麗英表示今年將會推出「愛情三部曲」，講述自己在愛情中的不同狀態，而這次新歌是第二部曲，主題圍繞着「療傷」，描寫她受到情傷的狀態。 麗英說：「第一首《美男子圖鑑》;講對愛情嘅憧憬，喺花多眼亂嘅世界選擇自己鍾意嘅人；《解咒說明書》;就係講緊受情傷嘅狀態，喺復原中嘅階段的情歌。另外，『愛情三部曲』歌名都有設計過，全部都係同書有關，大家可以期待一下！」

麗英推出新的情歌《解咒說明書》。

獲公司注資6位數字赴東京拍攝MV。

借打拳幫助自己療情傷。

對於《解咒說明書》，麗英表示：「我曾經喺一段關係裏面俾人嫌棄過，其中一個分手理由係嫌棄我着太多T恤牛仔褲，呢件事都令我非常傷心。後來，我發現一個人唔鍾意你，其實乜嘢都可以成為理由。我相信好多人都試過喺愛情上被人嫌棄，例如唔夠上進、身形唔靚之類，所以，我希望呢首歌可以安慰有相似經歷嘅人。任何人被嫌棄都會唔好受，我都經歷過自信心低落嘅時期，但之後明白到自己價值應該係由自己而定，最緊要係識得愛自己。」

MV有幾場麗英傷心爆哭的場口。

麗英一改從前曲風唱出傷心情歌。

導演安排靚仔日本教練陪麗英打拳。

這次更是麗英首次到期待已久的日本拍攝MV，找來了《全死角美少女戰士》的導演Christopher 再次合作，她說：「今次係我第一次喺日本拍MV，期待咗好耐，終於做到了，實在得來不易！因為我哋預算同時間都有限，計埋來回機程只係用咗3日時間，同埋要走12個景點，所以時間係非常緊湊。」導演Christopher安排了一個情節，講一個失戀女仔好努力做運動，借打拳幫助自己療傷。事後，導演才得悉原來麗英會打拳，麗英說：「因為去年開個人音樂會關係，我特登去學打拳，幫自己唱歌練氣，冇諗到拍MV派上用場，仲有機會見識到日本拳館。今次仲要多謝導演安排咗個靚仔日本教練陪我打拳，好彩之前打咗一年，連教練都讚我個直拳幾好。」

麗英大爆曾經被前男友嫌棄過，令她非常傷心！

此外，MV有幾場麗英傷心爆哭的場口，其中最令她最深刻的是：「有一場戲我要喺隧道入面抱頭痛哭，隧道上面就有一條鐵路，我哋為咗令個畫面靚啲，所以特登睇時刻表去捕捉列車經過，但係同時要hold住傷感嘅情緒。好彩拍咗1 take導演就收貨，如果唔係，我哋要等多一個鐘先有另一架同款列車。」

希望透過新歌安慰有相似經歷的人！

明白到自己價值應該是由自己而定，最緊要是識得愛自己。