時隔半月「家姐」受傷右眼終於好返 變回眼仔碌碌萬人迷

「家姐」受傷的右眼終於痊愈，又可以貌美如花啦！

本月初，海洋公園大熊貓「家姐細佬」在玩「熊貓MMA」期間，細佬一時重手戳傷家姐（相關報道：「熊貓MMA」細佬一時重手險戳盲家姐 獲獸醫悉心照顧已無大礙：我冇事啦！）時隔半個月，海洋公園為一眾關心「家姐」一舉一動的熊貓粉絲，帶來「家姐」受傷右眼的最新狀況。

海洋公園IG視頻截圖

海洋公園在社交網站撰文指，「想同咁多位關心家姐嘅契爸契媽講…家姐隻眼好返好多啦！」原來，經過一眾奶爸奶媽以及獸醫團隊的細心照顧，「家姐」已經不用再滴眼藥水和接受其他治療。「多謝各位契爸契媽嘅心意同掛念！」

海洋公園10日傍晚的一則貼文牽動全城熊貓迷的心，園方撰文指，大家最近可能留意到「家姐」右眼似乎有些異樣，據園方公開的影片可見，貌美如花的「家姐」右眼下角，凸出來一塊粉紅色傷口，隔住個mon都可以感受到痛！海洋公園當時撰文指，其實奶爸奶媽們都一直密切注意「家姐」的傷勢，而經過詳細檢查後，發現「家姐」是眼皮受傷，疑似因為兩姐弟玩得太興奮而造成。而好彩有專業的動物護理以及獸醫團隊悉心照顧，「家姐」已經火速康復無大礙啦，一眾「契爸契媽」亦不用再擔心！

海洋公園IG視頻截圖

海洋公園IG視頻截圖

海洋公園IG視頻截圖

海洋公園IG視頻截圖

「家姐」完全康復的消息牽動一眾熊貓粉絲的心，就連海洋公園動物護理員「奶爸」Matt亦留言：「細佬可以劃花我，但吾好劃花家姐」 ，網友們亦紛紛留言祝福「家姐」：「家姐係唔係可以唱返首我在黃竹坑滴眼水」、「家姐永遠美麗動人，因為有一對「電眼」吖嘛！現在眼睛好番曬，我哋契爸契媽係好開心！」、「大力D錫啖家姐先」、「眼傷好番就好啦～家姐呢排雖然成日同細佬切磋，但私底下都係咁斯文靚女架～」、「又眼仔碌碌啦，最上鏡家姐」

海洋公園IG視頻截圖

海洋公園IG視頻截圖

海洋公園IG視頻截圖

海洋公園發布港產大熊貓龍鳯胎片段手，稱「細佬」近來喜愛玩水，「家姐」則繼續爬樹。海洋公園說，因為兩姊弟的身體免疫力提高，工作人員已不用戴手套照料牠們。

「家組」繼續爬樹。 pandahk_official IG

海洋公園說，「細佬」最近都開始鍾意玩水可能是盡得樂樂爸爸「樂樂」的真傳。

「細佬」喜愛玩水。 pandahk_official IG

「細佬」喜愛玩水。 pandahk_official IG

另外，園方又指近期「奶爸」「奶媽」不再需要戴手套和保護衣的原因，是「家姐」和「細佬」已日漸長大，身體免疫力提高了，而且盈盈又多了時間照顧兩B，「奶爸」和「奶媽」也不用再經常貼身照顧。