黃傑龍指，集團已全面退出中餐市場，員工未必可調往其他分店
經濟不景下飲食業損失慘重，叙福樓集團主席黃傑龍傍晚在社交網站公布，天水圍頌富商場的敘福樓以及旁邊相連的MMC牛涮鍋, 由於業主拒絕續約，將於9月14日正式結業。黃傑龍稱，「其實我都好想繼續做落去，一直都盡晒力同業主傾續租， 已經係答應年年加租，可惜都系上星期8月25日收到通知唔租俾我哋」。
敘福樓天水圍最後分店不獲業主續租。黃傑龍FB圖片
黃傑龍直言，「其實最難交代就係我父親，始終呢間已經係最後一間敘福樓，雖然公司嘅方向早已經係向日本菜發展，但係感情上老股東好希望有啲酒樓可以聚下飲餐茶打下麻雀」，「佢哋都有幾十年職業病到而家退咗休，疫情前都會忍唔住喺舖頭鬧下呢樣嗰樣，他們應該最唔捨得就係一班老街坊老顧客和一班在公司並肩作戰多年付出很多貢獻的好同事」。
敘福樓天水圍最後分店不獲業主續租。黃傑龍FB圖片
黃傑龍說，「我都好驚老竇失望即刻打俾佢解釋，佢講咗句：『可以繼續梗係開心，冇得繼續都開心，唔緊要啦』 仲反而要佢安慰我」。
叙福樓主席兼行政總裁黃傑龍。資料圖片
黃傑龍指，得悉業主拒租後翌日已經當面向員工解釋，有些員工在分店已經工作十幾廿年，大家都不捨得。 集團會盡力嘗試安排同事去其他分店，但黃傑龍承認，「中餐由於我哋已經幾乎全面退出市場，加上而家仲要只係得50%入座率營業時間又規管，所以我諗最後都唔會太多同事可以選擇留低，我哋都會按足法定要求比足遣散費」。
黃傑龍透露，在目前困難環境及嚴苛規管之下，分店上個月虧損幾十萬元，三年前重新裝修投資數千萬完全無法歸本，但都一定要負起僱主基本責任，供應商的貨款無論如何虧本都要想辦法找清。他指，「本來一間咁耐歷史同感情嘅分店好應該請同事食翻餐告別宴，奈何而家限聚，亦唔想同事增加感染風險，真係冇辦法」。