Thor同太太好恩愛～
駱振偉（Thor）2019年喺丹麥迎娶拍拖5年嘅丹麥女友Katrine Friis Olsen，婚後嫁夫隨夫，一齊定居香港。日前係Katrine嘅生日，雖然冇大肆慶祝，只係兩個人簡簡單單上飛鵝山飲茶，但已經好滿足，Thor喺社交網sweet爆留言：「其實快樂好簡單，Love You 。」仲hashtag：「#鑽石與黃金唔及我一片真誠與真心」。
Thor與丹麥太太Katrine。
超恩愛，日日都可以係情人節。
Thor話太太已變咗地道香港人，問佢生日想去邊，太太用Chinglish答：「想去flygoosemountain（飛鵝山）」，但現場冇燒賣蝦餃，真係沖茶飲，並應傳統買咗一個好好味嘅蛋糕，而太太亦好浪漫，自備咗蠟燭，而且天公造美，上到咁高都竟然唔係太大風，蠟燭順利燃點，營造超浪漫氣氛。
呢張係老婆幫Thor影嘅，都cut咗好多嘢。
好浪漫嘅生日，一齊上山點蠟光，享受美景同飲啖茶。
兩公婆當然有亦親暱嘅叫法，Thor自爆：「我老婆叫我做BEAR，我叫佢做Penguin，都唔記得由幾時開始。佢話想買新嘅傢俬，所以我送咗個BearCash俾佢，禮物我仲自己包㗎。」佢哋各自幫對方影咗張單人照，Thor幫太太影埋無敵港景，而Thor就得番大頭樣，Thor笑話：「我問佢點解可以爭咁遠，佢答返我生日大哂！fine健健康康、快快樂樂，快啲通關等佢唔使思鄉。」
沈殷怡率先為觀眾嚐試令人聞風喪膽的越南地道小食鴨仔蛋！
ViuTV全新節目《foodpanda 10周年呈獻 高質旅行包膠》將於9月23日起，逢星期一至五晚上11時正播放。節目講述四位主持駱振偉（Thor）、沈殷怡（Shirley）、蘇皓兒（Chloe）和李蔓瑩（Renee）帶著冒險家精神深入遊走東南亞，迎接視覺、味覺和觸覺上的一切衝擊，為大家帶來最『膠質素』的報告。
ViuTV全新節目《foodpanda 10周年 呈獻 高質旅行包膠》。
高質旅行團到埗越南第一餐食鴨仔蛋。
昨晚（9月23日）高質旅行團第一站到達越南！Shirley和Thor到埗即體驗踎街餐廳，率先為觀眾嚐試令人聞風喪膽的越南地道小食──鴨仔蛋。Shirley望著面前的鴨仔蛋湯粉苦笑道：「依個係我去越南落地嘅第一餐，點解要咁樣對我呢？」Thor夾起鴨仔蛋，發愣不語。直到Shirley問他：「咁你食唔食㗎？」Thor才大膽咬一口，但鴨仔蛋在嘴裡仍然不敢咀嚼。輪到Shirley試食時，她決定閉上眼睛，大膽一口咬掉半隻鴨仔蛋，而她感想是：「我都唔知自己食咗啲咩」。Thor看到Shirley勇敢的表現，不禁鼓掌大讚Shirley勇敢。
沈殷怡（Shirley）率先為觀眾嚐試。
Shirley稱：「唔知食咗啲乜！」
翌日，兩人來到一個機動遊戲樂園體驗長達2400米的過山車，其特別之處是旅客可以自由控制過山車的速度。而Thor在一個挑戰裏面輸了給Shirley，所以他必需接受懲罰。製作組知道Thor一向害怕玩機動遊戲，於是他們決定要Thor承受未知的恐懼，要他蒙著眼玩一趟過山車。Shirley則坐在Thor後面控制兩人的過山車。過山車尚未開始時，Thor除了大叫「好驚」，更不停向Shirley說「I love you」，Shirley無奈對著鏡頭揮揮手，向「阿嫂」自證清白。Thor全程害怕得不斷跟Shirley說對不起，令對方感到十分心痛，Shirley說：「無一個男人試過咁樣對住我講對唔住。」
兩人來到一個機動遊戲樂園體驗長達2400米的過山車。
駱振偉（Thor）在一個挑戰裏面輸了給Shirley，所以他必需接受懲罰。
Thor全程害怕得不斷跟Shirley說對不起！
