《亞洲超星團》丁子朗自爆曾面試做練習生 孖黃奕斌除衫晒Body獲Rain盛讚「好犀利」

丁子朗曾面試韓國的練習生公司。

（2023年12月2日）偶像選秀節目《Dr.JE藍銅勝肽面膜特約：亞洲超星團》今（2日）晚8點翡翠台播出，優酷國際版同步上線；節目播出後，myTV SUPER的「亞洲超星團專區」將獨家上架《亞洲超星團（加長版）》，播出更多絕密花絮和演出片段，包括因時長關係被剪走的練習生Solo表演片段。《亞洲超星團》搜羅全亞洲別具潛力超新星，旨在打造一隊在世界流行文化領域別具影響力的男子組合，節目召集人曾志偉邀得韓國殿堂級偶像Rain擔任超星總製作人外，還邀請了蘇志威、程瀟、朱正廷及農夫（C君、陸永）擔任超星導師。

五人組合多巴胺

香港代表黃星綽

四人組合霹靂旋風

黃奕斌

區珀豪

今晚播出的第二集繼續是初舞台才藝考核，餘下的練習生將悉數登場！是集出場名單如下：五人組合HELLO WORLD的舒灝、郝瑞然、孫瀟威、阿昕然和奧利、二人組合HK組合的方玉亨和王坤、四人組合美杜莎的楊亦辰、愛合、艾煜坤和黃輝雄、五人組合頂破天花板的張鎬濂、羅奕傑、艾克力亞、謝鑫和譚思源、五人組合多巴胺的黃星綽、寧浩然、江文俊、黃攀和衛軒汶、四人組合霹靂旋風的李澤楊、黃奕斌、區珀豪和丁子朗，還有與第一集趙天翼一樣Solo演出的李權哲。

霹靂旋風落力演出。

程瀟笑言黃奕斌、丁子朗着太多衫。

志偉搞笑下令兩人除衫。

最後都係點到即止！

程瀟嫌丁丁黃奕斌着太多衫
今集最大睇頭除了有「初印象人氣排名」No.1的奧利登場，香港代表亦會悉數登場！組合霹靂旋風中有3位香港代表，分別是丁子朗、黃奕斌和區珀豪，丁丁甫出場便以出道了7年的老新人來自我介紹，他們以白色西裝上陣跳唱Medley《算他敢愛敢做》，志偉指看得非常投入，又叫程瀟猜丁子朗、黃奕斌中誰是香港先生，程瀟怕醜說：「讓他們表現一下，主要是他們穿得太多了！」志偉即搞笑下令二人除衫，靦腆的二人怕醜地脫去西裝外套時，志偉點到即止叫停，並開估丁丁才是香港先生，場面搞笑！Rain見狀大晒廣東話說：「好犀利。」Rain又指丁丁面部表情特別好，但四人跳唱水平比較業餘，需再多加練習。丁丁事後透露當年除了面試香港先生外，還曾面試韓國的練習生公司，他說：「我都曾經想做Idol，但係foul咗我冇要我，依家有機會畀我實現出嚟，我梗係參加啦，依家唔追夢，我唔知幾時可以再追夢。」

丁丁原來面試過練習生想做idol。

Rain讚丁丁表情做得唔錯。

李權哲Solo演出。

「腳柏妍」並非浪得虛名！

由文偉鴻Jazz監製、梁恩東及湯健萍編審的全新動作懸疑劇《大灣區航空亞洲航線呈獻：奪命提示》，逢周一至周五晚八點半翡翠台播映。主要演員有陳山聰、張振朗、劉佩玥、劉穎鏇（Tiffany）、丁子朗、郭柏妍、林子善、呂珊、樊奕敏、區明妙等。

郭柏妍一出場即引發熱討。

留意吓Rosita個樣勁有童真。

可以同小朋友鬥可愛。

《奪命提示》昨晚（3月20日）一集有新個案展開，「鋸腳狂魔個案」隨著Big Boss黃子恆身亡正式落幕，郭柏飛（陳山聰飾）及姜姐（劉佩玥飾）再緊接著手調查兒童院兒童離奇失蹤事件，之前「喊出彩虹」的俊朗（張振朗飾）契女子瑜（鍾嘉佑飾）亦牽涉其中。事件起源是疑似患了夢遊的方予安（何珀廉飾），某日離奇失蹤，而涉嫌與事件有關的分別有娟姨（楊卓娜飾）、奕希（鄧智堅飾）、飾演保安的「御用壞人」程浩駿，以及飾演看護的曾文心…

Rosita為咗呢場戲專誠學魔術，好有誠意。

Rosita尋晚同丁丁玩直播，表情多多。

網民爭辯最新個案Big Boss誰屬
出名演技超卓的娜姐，在《奪命》的演出隨著早前反差值極高的老妝曝光而備受關注，而娜姐一出場，的確有不少網民未能第一眼認出本尊，有網民留言：「聯想唔到平時好索嘅樣」。而娜姐今次的演出亦沒有令大家失望，配合劇組精心選取的拍攝角度及光暗打造，娜姐每個大頭都突顯了角色的神經質、閃縮、詭異及恐怖感，每個神情都恍如演技教科書，加上娜姐經常袋著一大堆朱古力奶鬼鬼祟祟，劇情又講到她之前有個叫強仔的兒子，令網民對她是否個案Big Boss爭辯不休：「職員甲乙丙丁，卡士竟然有卓娜和堅叔咁大卡士，呢兩個最有可疑」、「通常咁明顯嘅都唔係兇手」、「講得突破，可能娜姐真係兇手」、「會唔會同佢個仔強仔有關」。無綫官方社交網今午曝光搶先看預告片，只見成頭血的娜姐，神色恐怖地慢步而行，並以極逼迫的狀態挨向兩名表現慌張的小朋友…

楊卓娜啲close up表情真係一流。

另外小演員何珀廉演技都好好。

另一位飾演雯雯嘅小演員周珈慜演技都係好好，唔怪之得丁丁都嗌投降。

Cutie樣逐格睇！郭柏妍為氹小朋友專誠學魔術
昨晚另一焦點，是網民期待已久的郭柏妍終於出場！飾演警隊中兒童心理學專家商雙的郭柏妍（Rosita），一出場已吸引網民洗版式討論，網民大讚身穿白色OL套裝的Rosita相當靚女、指短裙套裝突顯了Rosita一雙修長美腿，笑言「腳柏妍」果然並非浪得虛名。Rosita為了慶祝自己飾演的商雙正式登場，昨晚專誠開live與劇迷互動，還邀請了同樣是昨晚首度登場的丁子朗齊齊chat。由於商雙熟悉兒童心理，故Rosita在今次這個新單元中與小演員有大量對手戲；對此Rosita相當難忘，除透露事前有為氹小朋友場口專誠學魔術、還開心share與小演員的相處搞笑日常：「啲童星真係超可愛。」丁丁則搭嗲大讚小演員很好戲：「佢哋做戲超級勁，啲喊戲一嚟就喊到，我都自愧不如。」

楊卓娜、鄧智堅、程浩駿、曾文心到底誰是真兇？

鄧智堅

程浩駿

曾文心

丁丁同娜姐有唔少對手戲。

丁丁郭柏妍再度合體演「鬧交CP」
繼《下流上車族》再度合體演CP的Rosita與丁丁，透露二人是次飾演的是「鬧交CP」，Rosita笑言最難忘是在西貢碼頭追住丁丁係咁鬧：「我記得我係咁一輪嘴係咁鬧，嗰場我唔想NG，因為嗰日好凍。」Rosita續指《奪命》令她成功克服了對超長對白的恐懼，並搞笑承諾會繼續進步：「我會努力，我唔想再拖大家後腿」。Rosita又應網民要求預告在劇中最喜歡造型：「我最鍾意女僕造型，其實個個造型我都鍾意，我記得仲有伴娘同泳衣造型。女僕造型嗰套衫我記得試咗好多次，淨係頭箍都試咗五、六個，套衫亦都修改咗好多次。」又預告將在劇中再獻魔音及與劉穎鏇齊齊跳舞，令人期待。

昨晚一集與楊卓娜有對手戲的丁丁，則預告今晚將有一場相當精彩的天台對峙戲：「嗰場戲真係喺天台度拍，地下好多渠；場口有齊動作、對白同追逐，我記得我仲要單手扶住幅牆飛出個天台，都幾高難度。」並預告今晚與娜姐將有一場真情流「淚」的場口：「本身嗰場戲冇話要喊，但因為對白好感動，我做到一半要抖大氣。」

其中就係丁丁提及嘅天台戲。

同埋應該係忍唔住流出真眼淚嘅相關場口。