Dear Jane與澳門歌迷定每年「九月之約」慶祝成軍20周年明年5月紅館見

Video Player is loading.

Current TimeÂ 0:00

DurationÂ -:-

Loaded: 0%

Stream TypeÂ LIVE

Remaining TimeÂ 0:00

娛圈事

Dear Jane與澳門歌迷定每年「九月之約」慶祝成軍20周年明年5月紅館見

2024年09月30日 20:00 最後更新：23:01

聯乘弦樂與敲擊為樂迷帶來現場震撼，《Dear Jane Live at The Londoner》圓滿結束！

由棋人娛樂主辦，Dear Jane一連兩晚（28-29/9）於澳門的倫敦人綜藝館舉行的《Dear Jane Live at The Londoner》演唱會圓滿結束，這次是Dear Jane首次聯同弦樂、敲擊樂等樂器演出，一次期間限定音樂共融演唱會。演唱會全晚氣氛熱熾，6000名觀眾與Dear Jane不時大合唱，令昨晚尾場（30/9）因聲音不適低失度，需要吸氧氣味、飲咸竹蜂的Tim也愈唱愈精神。演唱會結束前，Dear Jane更宣布重磅喜訊，明年是樂隊踏入成軍20周年，為感謝fans沿路不離不棄，明年5月Dear Jane約定大家，紅館見！

點擊看圖輯

Dear Jane一連兩晚（28-29/9）於澳門的倫敦人綜藝館舉行的《Dear Jane Live at The Londoner》演唱會圓滿結束

這次是Dear Jane首次聯同弦樂、敲擊樂等樂器演出，一次期間限定音樂共融演唱會

演唱會全晚氣氛熱熾，6000名觀眾與Dear Jane不時大合唱

讓觀眾甫進場已感受到今次演唱會音樂上將帶來的震撼氛圍

四人還邊唱邊遊走台兩邊與fans打招呼，炒熱氣氛。

+10

演唱會現場相

Dear Jane頓時一臉意外又開心，最後在《祝君好》下Dear Jane正式和觀眾再見。

更多相片

Dear Jane一連兩晚（28-29/9）於澳門的倫敦人綜藝館舉行的《Dear Jane Live at The Londoner》演唱會圓滿結束

這次是Dear Jane首次聯同弦樂、敲擊樂等樂器演出，一次期間限定音樂共融演唱會

演唱會全晚氣氛熱熾，6000名觀眾與Dear Jane不時大合唱

讓觀眾甫進場已感受到今次演唱會音樂上將帶來的震撼氛圍

四人還邊唱邊遊走台兩邊與fans打招呼，炒熱氣氛。

演唱會現場相

Dear Jane頓時一臉意外又開心，最後在《祝君好》下Dear Jane正式和觀眾再見。

《Dear Jane Live at The Londoner》舞台闊逾53米，以兩層式設計，有Dear Jane樂隊原有的樂器、Keyboard及和音，也有今次聯乘的三套敲擊大鼓、4位小提琴手、1位中提琴手、1位大提琴手融入當中；為拉近Dear Jane與兩邊觀眾距離，台左台右亦額外為鼓手Nice擺放了兩套鼓，讓觀眾甫進場已感受到今次演唱會音樂上將帶來的震撼氛圍，演唱會亦在一眾弦樂手拉奏下正式揭開序幕，Dear Jane4位成員Tim、Howie、Jackal及Nice在新編曲加上弦樂下，唱出《銀河修理員》、《懷舊金曲之夜》、《脫骹的華爾茲》、《經過一些秋與冬》及《不許你注定一人》。

進入演唱會第二部分，回歸Dear Jane式經典搖滾音樂前，四人在台上感謝一眾弦樂手，Tim說：「大家請畀多啲掌聲背後出色嘅弦樂手。今次演唱會改編咗唔少歌，加入咗弦樂。倫敦人呢兩場騷可以話係one-off，大家有得睇、有得聽好幸福。剛才係帶大家進入情緒，宜家就會開始upbeat。」隨即唱出了《碌架床》、《搖滾理髮廳》、《約翰與洋子》,《Dear Christmas》及《2084》，四人還邊唱邊遊走台兩邊與fans打招呼，炒熱氣氛。

緊隨著進入Dear Jane crossover敲擊樂部分。分布在台左、中、右三名鼓手，一下一下重擊，節奏分明激鼓聲後，《Yellow Fever》音樂響起，全場一起：「uh oh yellow fever you got me⋯⋯」，演唱會進入高潮，Dear Jane還一口氣唱出《永遠飛行模式》、《愛我別走》、《人類不宜飛行》及《地球空心論》等。來到演唱會尾聲部分，「 Dear Rock」式歌曲上場，先後有《為何嚴重到這樣》、《到底發生過什麼事》、《聖馬力諾之心》及新歌《多謝你自己》等，而本身沒有安排encore的Dear Jane，兩場演唱會都因fans熱情下，發放彩蛋。

Dear Jane頭場結束後，觀眾encore之聲此起彼落，令準備落台的Nice走回咪前清唱出了：「寧願沒擁抱共你可到老….」，意想不到6000歌迷竟然跟著一起唱，Dear Jane頓時一臉意外又開心，最後在《祝君好》下Dear Jane正式和觀眾再見。而昨晚尾場，DearJane在唱出最後一首《無憾的生存》前，再次感謝澳門觀眾的熱情，因為打從去年9月舉行澳門第二個演唱會，或是今次倫敦人演唱會，門票一律火速售罄，Tim說：「我哋同澳門、9月都好有緣份，9月份嚟到澳門都見到大家，都會有咁（好）嘅氣氛，我哋好想做一件事，每年9月都嚟澳門開騷好唔好？」觀眾即時歡呼尖叫，但更想不到是，在完騷全場不捨大叫encore時，Tim出奇不意拋出終極喜訊，說：「今晚真係玩得好開心，本身無咩特別plan過encore，既然你哋又咁熱情，喺到我話俾大家知，2025年5月紅館見。」隨即Dear Jane在十周年時推出的歌曲《二十年後的歌》響起，Nice再感觸又興奮說：「都係呢一句，好開心我哋嘅歌一齊成長，係第一次紅館講嘅，所以我哋繼續做，一齊成長、一齊進步，就咁簡單。」然後Dear Jane 唱出了《二十年後的歌》，為兩場《Dear Jane Live at The Londoner》演唱會正式圓滿落幕，Dear Jane約定大家，2025年5月紅館見！

往下看更多文章

Dear Jane 5月紅館開騷身處天台頂樓拍攝海報有寓意

Dear Jane約定最親愛的你5月紅館見。

樂隊Dear Jane今年成軍20周年，今日（2月26日）公布將於5月11至14日假紅館舉行4場《Dearest Dear Jane Live 2025》演唱會。Dear Jane繼2021年的演唱會後，相隔4年再踏紅館舞台，四子表示：「今次準備先開4場，名為『Dearest』是『最親愛的』嘅意思，我覺得如果你嚟我哋演唱會，就會搵到最親愛嘅朋友。你哋都係我哋『最親愛的』，我哋嘅歌亦都係你哋『最親愛的』！入面有好多故事，所以希望整個表演圍繞呢個主題。」演唱會可於3月5至7日優先訂票。

早前他們於天台及樓梯為演唱會拍攝海報，四子解釋，「今次演唱會叫做《Dearest Dear Jane Live 2025》，海報概念有啲似係一封信或者一張明信片，似係歌迷寫信比我哋，又或者係我哋寫封信比歌迷，互相分享一啲感受經歷，都呼應返我哋第一個紅館演唱會名用寫信嘅下款《Dear Jane Yours Sincerely Live》去命名。海報喺樓梯影，可以話係代表住音樂里程上嘅每一步。」問到是否由樓梯走上天台完成目標時，他們齊聲否認，「天台係一幢樓嘅最高地方，但當你人在天台，你會望到對面有更多更高嘅天台。天台風景好靚，但音樂嘅里程，唔會只係停留喺一棟大廈，走完一幢樓，我們會走向另一幢更高嘅樓！而天台應該係比我哋間中走上來 take a break嘅一個地方，望一望呢個咁靚嘅世界，然後我哋又繼續向前行。」

談到成軍20年的變化，Jackal(伍漢邦)表示，「好似都冇乜點變，都係對住呢幾個人去生活去玩，唔同嘅係多咗好多新歌，同埋回憶起以前嘅一啲舊歌，多咗好多唔同感受。」Howie(翁厚樑)表示，「我記得剛剛組成樂隊嘅時候，Tim仲返緊學，依家都有自己嘅家室，有小朋友，呢20年係人生嘅一段好長嘅路，我哋最希望喺歌迷嘅人生之中，我哋都佔咗一個席位啦！大家陪我哋走咗咁遠一段路，呢次演唱會係一個慶祝，一嚟來參一個派對！我哋有好多新環節準備同大家去表演，會獻唱我哋好多唔同年份嘅歌曲，音樂上又有新提升，我覺得會幾好玩！」

去年阿Tim(黃天翱)試過幾次帶病演出，今次演會著重保持健康，他強調，「唔會瘋狂操練，我地係用個腦去保持健康囉，哈哈。我地不嬲都係咁上下，燃脂就係喺騷上面發力燃燒自己啦，開騷前反而儲多啲能量。」Nice(黎俊華)就表示，聽返《二十年後的歌》，覺得呢二十年都算成功，只係有少量一兩個 item未 checklist，其他大部份願望清單都完成到，而心境上Dear Jane都無改變過，初心依舊。「咁多年我哋冇諗過目標要去到邊，我哋淨係想做好每一首歌，想上台唱到呢啲歌，令到大家開心，繼續無窮無盡，維持初心。有時都會諗，等自己老咗，呢啲嘅美好就可以留返第時瞓喺床上面慢慢回憶！」