海洋公園百日慶特別加映 大熊貓家姐細佬齊印「足跡」留紀念

海洋公園特別發放網上獨家百日慶特別加映，原來是家姐細佬齊齊印手掌印，為這個特別日子留個紀念！

海洋公園IG影片截圖

海洋公園IG影片截圖

海洋公園IG影片截圖

片段中兩名奶爸奶媽小心翼翼地輪流幫大熊貓BB印手掌印，細佬家姐都非常合作，無扭計聽從指示，似乎知道印手印的意義重大，不敢亂來！

海洋公園IG影片截圖

海洋公園IG影片截圖

細佬：家姐，give me five！
家姐：唔係咁啊細佬，係將對手仔印落呢度啊~
細佬：唔知我哋嘅掌印可唔可以擺去星光大道呢？

海洋公園IG影片截圖

其實海洋公園為一對熊貓寶寶印下珍貴的一百日「足跡」除了作為紀念，亦會於「大熊貓之旅」展出，讓來探望的市民都可以齊齊見證牠們成長的重要時刻。

海洋公園IG影片截圖

日前大熊貓龍鳯胎BB於海洋公園舉行百日宴，逾百名市民入場為牠們慶祝，場面熱鬧又溫馨。一對大熊貓得以健康成長，一直陪伴牠們左右的奶爸奶媽絕對是功不可抹！

海洋公園IG影片截圖

海洋公園IG影片截圖

海洋公園24日就特別出PO 感謝奶爸奶媽們，感謝他們含辛茹苦地照顧家姐細佬，無分晝夜餵食、觀察、記錄牠們的成長變化！並稱加上各位市民長久以來的關愛及祝福，陪伴熊貓BB一日一日長大，「衷心想講一句：辛苦晒、多謝晒！」

海洋公園IG影片截圖

海洋公園IG影片截圖

而小編亦不忘和大家開心share一件大事，就是家姐細佬終於出牙仔啦！兩姊弟都紛紛show 「牙」向大家報喜！還有家姐細佬最新updated 的體重：家姐：5.3 kg，細佬：5.5 kg

海洋公園IG影片截圖

另外，不知是否在百日宴玩得太開心，細佬在最新的視頻裏表現得好眼訓，無論家姐點樣撩佢傾計，佢都一於好少理繼續大覺訓。家姐唯有不打攪牠，自己一個做ending，並感謝各位契爺契媽特地出席百日宴，為牠們送上祝福！

海洋公園IG影片截圖