梁釗峰邊宣傳新歌邊沖咖啡報答Fans 鐵粉婆婆見真人激動落淚：你好叻仔呀！

婆婆指傷心時聽釗峰的歌，就好像對方在精神上陪她同行，她更會分享給身邊有不好情緒的朋友。

梁釗峰最近推出新歌《致陪伴我的》，日前於荃灣如心廣場舉行宣傳活動，活動原定於西貢戶外地方進行，可惜受天雨影響固移師室內。釗峰除獻唱歌曲外，還親手為「峰心粉」（釗峰粉絲暱稱）沖咖啡兼合照聊天，期間遇上一位駐足觀賞的婆婆，婆婆的說話更深深打動釗峰以及在場每一位。

梁釗峰日前為新歌《致陪伴我的》舉行宣傳活動。

釗峰獻唱歌曲。

又親手為「峰心粉」沖咖啡兼合照聊天。

更遇到一位鐵粉婆婆。

活動上，釗峰唱出新歌《致陪伴我的》、《28天》以及《遺憾與遺憾的一切》，吸引逾百人駐足欣賞。台上搭起露營帳篷，擺放了枱和櫈，神還原《致陪伴我的》MV場景。「峰心粉」逐一上台與釗峰見面聊天，無論是簽名或是合照，釗峰均有求必應，相當寵粉。他說：「本身諗住喺戶外搵個好Chill嘅地方同大家唱歌，點知落大雨，同我拍MV嗰日差唔多。但又係另一種嘅特別，將露營擺上台，大家舒舒服服喺商場共聚，另類嘅開心。」

「峰心粉」逐一上台與釗峰見面聊天。

「峰心粉」逐一上台與釗峰見面聊天。

無論是簽名或是合照，釗峰均有求必應。

無論是簽名或是合照，釗峰均有求必應。

無論是簽名或是合照，釗峰均有求必應。

活動期間，釗峰留意到商場二樓的一位婆婆，對方聽得非常投入，不時揮手和派心，釗峰隨即邀請對方一起合照，婆婆興奮得原地跳起。當她近距離見到釗峰時，激動得握着釗峰的手說：「《遺憾與遺憾的一切》已經好想見你，喺中環街市，但係今次係第一次見到你。由C AllStar年代已經想做你Facebook會員，但我唔識搞，你好叻仔呀！」釗峰為婆婆送上擁抱，對方更感動得眼濕濕，全場拍手歡呼。

釗峰特別留意到一位婆婆，並邀請對方一起合照。

釗峰為婆婆送上擁抱。

令婆婆感動得眼濕濕。

婆婆隨後上台與釗峰聊天時感性說：「喺我傷心嘅日子，你精神上陪我同行，你嘅歌陪我一齊行落去。我身邊都有情緒唔好嘅朋友，我會同佢分享我認識咗釗峰。」釗峰感觸說：「我都估唔到自己嘅歌可以陪伴到佢，莫名嘅感動，呢個陪伴係雙向。佢哋成日話我啲歌陪伴佢哋，佢哋都係陪緊我。我見住啲歌迷由着住中學校服到而家帶埋BB上台，仍然追隨緊我嘅音樂，好感恩有佢哋嘅陪伴。」

婆婆指釗峰的歌在精神上陪她同行，她更會分享給身邊有不好情緒的朋友。

釗峰再與婆婆合照。

另外，將於9月出演舞台劇《遺憾收藏館》的釗峰最近忙於排練，但他亦期待舉辦更多與「峰心粉」交流互動的活動。他說：「之前有個『跟峰跑』系列，可以搞啲『跟峰入戲院』、『跟峰支持小店』活動，我嘅峰心學院（釗峰官方歌迷會）要做嘢啦！」

903 DJ阿酸

釗峰最近忙於排練舞台劇《遺憾收藏館》。

梁釗峰：「心存感恩，感激陪伴！」

「山系歌手」梁釗峰因跑山經常走入大自然，今次他走入元朗農莊為新歌《致陪伴我的》拍攝MV。拍攝當日遇上三度黃雨的極端天氣，狂風暴雨下拍攝腰斬，最令釗峰心痛的是眼見同事全身濕透，卻依然奮力保護自己以及攝影器材的畫面。他坦言經歷過後，陪伴自己的人變得更加重要，他說：「有一班戰友撐住自己，會用心、用歌曲去多謝佢哋。」

梁釗峰為新歌《致陪伴我的》走入元朗農莊拍攝MV。

拍攝當日天氣不穩，製作團隊把握時間拍攝釗峰駕車的戲份。

《致陪伴我的》講述單純的陪伴，對象可以是親人、朋友又或是鄰居，而陪伴釗峰拍攝MV的就是一隻非常可愛的小狗。他們一拍即合，玩得很開心，小狗更興奮得不斷親吻釗峰。釗峰表示MV導演吳詠琪（琪琪）想帶出，即使只有小狗陪伴露營，他也不會感到孤單。他說：「因為平時好多人陪伴住我，帶住好富足嘅心態，自己感受大自然。鏡頭前得我同狗仔，但鏡頭後有好多人陪住我，佢哋都餵緊蚊，為呢件事付出好多。心存感恩，感激陪伴。」

陪伴釗峰拍攝MV的是一隻非常可愛的小狗！

拍攝當日天氣不穩，製作團隊把握時間拍攝釗峰駕車以及與狗狗露營的戲份，期間已不時下雨及行雷閃電，令拍攝進度受阻，到接近黃昏時間，現場突然刮起狂風暴雨，更將團隊設置的巨型帳篷、雨傘全部吹倒，器材、拍攝道具散落一地，現場一片混亂，工作人員不惜冒雨留守現場奮力保護器材。極速被安排上車等待的釗峰憂心忡忡，說：「而家好大風、好大雨，同事全部喺晒出面，我就喺架車度避雨，好灰，因為佢哋要撳住啲遮，全部人濕晒。」他自責表示：「我好想救佢哋，點解我唔揸7人車！都唔知場雨落幾耐，同埋啲機器唔知點算。」

拍攝腰斬後，釗峰得知同事陸續安全離開現場，才稍微放心說：「個MV拍唔到唔緊要，可以補錄，但就好唔開心、好唔好意思。同事為咗保護器材淋雨，全部濕晒，我又愛莫能助幫唔到啲咩。但佢哋好正面，有啲仲喺度Chill，我覺得我啲同事好勁。」他心痛續說：「我髮型師唯一敲窗唔係上車，係問電話同電子產品可唔可以擺喺我度，我話梗係可以啦！」釗峰事後在IG限時動態形容當時的情況就如十號風球一樣，他感激所有痛錫自己的同事以及MV手足，說：「辛苦晒，有你哋我應該係幾生修到。」

拍攝當日遇上三度黃雨的極端天氣。

最令釗峰心痛的是眼見同事全身濕透，仍奮力保護自己以及攝影器材。

MV拍攝的第二日，主力拍攝他與山和水的畫面。當日陽光普照，氣溫更高達34度，酷熱天氣下戶外拍攝，釗峰卻開心說：「上次大風大雨得好緊要，心入面唔舒服咗好多日。慶幸今日放晴，多謝天公，真係要感恩！」釗峰身穿的T-Shirt有少許污漬，他解釋是第一日拍攝時狗狗留下的腳印，連戲之餘亦令整件事更貼近「自然」主題。

MV拍攝的第二日，主力拍攝釗峰與山和水的畫面。

《致陪伴我的》由Kudos Lam作曲填詞，並與監製蘇道哲共同編曲，釗峰說：「本來想搵填詞人，但Kudos嘅Demo詞轉少少已經好啱Feel，所以搵埋佢填詞。」完成「遺憾與遺憾之間的一切」企劃後，釗峰一直希望做一首舒服、輕鬆的歌曲。他說：「我做到啦！新歌不論把聲、心態，歌帶出嘅訊息都好輕身、好輕鬆。」

另外，新歌宣傳照上「致陪伴我的」五字原來是出自釗峰手筆，他笑指畫功向來「出色」，亦試過於MV中執筆，卻被同事直斥其醜。但導演琪琪依然想釗峰嘗試題字，他笑說：「我唔驚㗎！大家接受到就得。」他鬼馬輕聲說：「5個字我花咗兩個幾鐘，不斷修改再寫，出到街大家唔好笑，係肥大啲但Cute Cute嘅，希望大家感受到我嘅誠意。」

當日氣溫更高達34度。